માન્યતા / શું છે 13 નંબરનું રહસ્ય ? નિષ્ણાતોએ સમજાવ્યું તેની પાછળનું વિજ્ઞાન અને અંધવિશ્વાસ

વિશ્વના અનેક દેશોમાં 13 નંબરનું રહસ્ય એક ચર્ચાનો વિષય રહ્યો છે. આ નંબર અંધશ્રદ્ધાનું પણ કારણ રહ્યું છે. ઘણા લોકો તેને અશુભ માને છે, જ્યારે કેટલાક લોકો આ નંબરને નસીબદાર માને છે. પશ્ચિમી દેશોમાં તેને અશુભ માનવામાં આવે છે કારણ કે તે બાર નંબરની વિરૂદ્ધમાં જોવામાં આવે છે, જેમ કે બાર રાશિ, બાર મહિના, બાર કલાક વગેરે.

આ કારણે અનેક દેશોના લોકો 13 નંબરને અસંતુલન અને "અપૂર્ણતા"નું પ્રતીક માને છે. તો કેટલાક લોકો માને છે કે આ નંબરમાં વિશેષ ઊર્જા હોય છે. તો આને અંધશ્રદ્ધા ગણવી કે વિજ્ઞાન ? તેનું રહસ્ય આ બંને પાસાઓ સાથે સંકળાયેલું છે, જે માનવ ઇતિહાસ અને માનસિકતાના ઊંડા પ્રશ્નોને જન્મ આપે છે.

• અમેરિકન એક્સપર્ટ શું કહે છે?

એક્સપર્ટ અનુસાર,  ઘણી ઇમારતોમાં જ્યાં 13મો માળ હોય છે ત્યાં લિફ્ટ સીધી 14મા માળે ઊભી રહે છે. આ સિવાય પશ્ચિમી દેશોમાં 13 તારીખને આવનાર શુક્રવારને વિશેષ રૂપે અશુભ માનવામાં આવે છે. આ દિવસે ઘણા લોકો તેમના કાર્યો અને વ્યવહારમાં બદલાવ અનુભવે છે, જેથી તેઓ કોઈપણ અણધારા બનાવથી બચી શકે.

• શું કહે છે સમાજશાસ્ત્રીઓ?
  આ દિવસે કેટલીકવાર ખરાબ ઘટનાઓ બને છે. પરંતુ તેના કોઈ નક્કર પુરાવા નથી કે આ દિવસ ખરેખર કોઈ દુર્ભાગ્યપૂર્ણ ઘટના બને છે. આ અંધશ્રદ્ધા પાછળના સામાજિક મનોવિજ્ઞાનને સમજતા સમાજશાસ્ત્રીઓ જણાવે છે કે આ ડર વ્યક્તિગત નહીં પણ સામૂહિક માન્યતા બની જાય છે. લાખો લોકો આ માન્યતામાં એટલી હદે માને છે કે તે તેમના વર્તનને પ્રભાવિત કરવા લાગે છે.
• જાપાનમાં 9 નંબરને માનવામાં આવે છે અશુભ

જાપાનમાં '9' નંબરને અશુભ માનવામાં આવે છે, કારણ કે '9' નો ઉચ્ચાર જાપાનીઝમાં "kyuu" થાય છે, જે "પીડા" અથવા દર્દના ઉચ્ચારને મળે છે. આ માટે અહીંના લોકો તેને અશુભ માને છે.

વધુ વાંચો : ટ્રમ્પને લઇ બાબા વેંગાની ડરામણી ભવિષ્યવાણી, એક તો સત્ય પણ સાબિત થઇ ચૂકી!

• 4 નંબર ચીનમાં મોત સમાન

ચીનમાં '4' નંબર ખૂબ જ અશુભ માનવામાં આવે છે અને આ સંખ્યા મૃત્યુ સાથે જોડાયેલી છે. કારણ કે,ચાઈનીઝ ભાષામાં '4'નો ઉચ્ચાર "સિ" તરીકે થાય છે, જે "મૃત્યુ"ના ઉચ્ચાર સમાન છે. આને કારણે, નંબર 4ને ઘણીવાર બ્લેક, દુઃખદ અને નકારાત્મક ઊર્જા સાથે જોડવામાં આવે છે.

(DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ