ટ્રાફિક રૂલ્સ / ડ્રાઈવિંગ સમયે હેન્ડ્સ ફ્રીનો ઉપયોગ કરનારા હવે ચેતજો, નહીં તો થશે આટલો દંડ

• મોબાઈલ પર વાત કરતાં વાહન ચલાવતાં પકડાશો તો થશે મોટો દંડ.
• હેન્ડ્સ ફ્રી, બ્લૂટ્રૂથ ડિવાઈસ કે સ્પીકર ફોન પર વાત કરવાથી પણ લાગૂ પડશે નિયમ.
• ડ્રાઈવિંગ સમયે વાત કરતાં ધ્યાન ડાયવર્ટ થાય છે અને એક્સીડન્ટની શક્યતા વધે છે. 

ટ્રાફિક નિયમોમાં સૌથી વધારે કોઈ નિયમનો ભંગ થતો હોય તો તે છે મોબાઈલ પર વાત કરતાં કરતાં વાહન ચલાવવું. ગંભીર ગણાતા ટ્રાફિકના નિયમોમાં આ માટે કોઈ ખાસ એક્શન લેવાતા નથી. પરંતુ હવે એવું નથી. જો તમે કાન પર ફોન રાખીને વાત કરો છો કે પછી હેન્ડ્સ ફ્રીની મદદથી પણ ડ્રાઈવિંગ સમયે વાત કરો છો તો તમને રૂ. 5000નો દંડ થઈ શકે છે. 

કેમેરો ગાડીઓના ગુનાઓને પકડી શકતા નથી
બસ, ટ્રક અને કારથી લઈને બાઈક, સ્કૂટર અને સાયકલ પર જતાં લોકો પણ મોબાઈલ પર વાત કરી લેતા હોય છે. કાર, બસ અને હેવી ગાડીઓ માટે રસ્તા પર લાગેલા કેમેરા પણ કામ કરી શકતા નથી કારણ કે તેઓ ઓફેન્સને પકડી શકતા નથી. જ્યારે બાઈક અને સ્કૂટર વાળા ટ્રાફિક પોલિસથી બચીને નીકળી જાય છે. આ સમયે વાયર વાળા હેન્ડ્સ ફ્રીથી લઈને બ્લૂટ્રૂથથી ચાલનારા સસ્તા વાયરલેસ હેન્ડ્સ ફ્રી ડિવાઈસ પણ લોકો યૂઝ કરી રહ્યા છે. 

મોબાઈલના ઉપયોગ સાથે ડ્રાઈવિંગ પર થશે દંડ
ઉલ્લેખનીય છે કે જ્યારે મોટર વ્હીકલ સંશોધન એક્ટ બાદ જો તમે ગાડી ચલાવતી સમયે કોઈ પણ પ્રકારે મોબાઈલ પર વાત કરો છો તો તમારે દંડની મોટી રકમ ભરવી પડે તે શક્ય છે. પહેલાં તેના માટે રૂ. 1000નો દંડ હતો. હવે તેની રકમ 5 ગણી વધારીને રૂ. 5000ની કરી દેવામાં આવી છે. 

નવા એક્ટમાં એ પણ સ્પષ્ટ કરી દેવામાં આવ્યું છે કે ફક્ત મોબાઈલ ડિવાઈસ હાથમાં રાખીને વાત કરતાં જ મેમો ફાટશે એવું નથી. તમે કોઈ પણ પ્રકારના હેન્ડ્સ ફ્રી, બ્લૂટ્રૂથ કે સ્પીકર ફોન પર પણ વાત કરો છો તો તમે દંડને પાત્ર છો. કારણ કે તેનાથી તમારું ધ્યાન ડાયવર્ટ થાય છે અને એક્સીડન્ટની શક્યતા વધે છે. જો હવેથી તમે પણ આ પ્રકારે વાત કરતાં વાહન ચલાવશો તો પોલીસ તમારા નામનો મેમો ફાડી શકે છે.

ફોટો સૌજન્ય- Twitter.com