કોરોનાને કારણે સામાન્ય લોકોની સમસ્યામાં સતત વધારો થઈ રહ્યો છે. હવે શાકભાજીની મોંઘવારીને કારણે રસોડાનું બજેટ ખોરવાઈ રહ્યું છે. રોજબરોજમાં સૌથી વધારે ઉપયોગમાં લેવામાં આવતી શાકભાજીમાં બટાકા, ડુંગળી અને ટામેટાની કિંમતમાં સતત વધારો જોવા મળી રહ્યો છે. ન્યૂઝ એજન્સી પીટીઆઈના જણાવ્યાનુંસાર ટામેટાના ભાવ તો 100 રુપિયા પ્રતિ કિલો સુધી પહોંચી ગયા છે. ઉપભોક્તા મંત્રાલયના જણાવ્યાનુંસાર સોમવારે કોલકત્તામાં ટામેટાનો રિટેલ ભાવ 100 રુપિયા પ્રતિ કિલો નોંધાયો છે. સપ્ટેમ્બર દરમિયાન કોલકત્તામાં ટામેટાની કિંમતમાં 40 રુપિયા પ્રતિ કિલો સુધી વધારો નોંધાયો છે.
ટામેટાનો રિટેલ ભાવ 100 રુપિયા પ્રતિ કિલો નોંધાયો છે
બટાકા અને ડુંગળીના ભાવમાં પણ સતત વધારો થઈ રહ્યો છે
બજારોમાં શાકભાજીના સપ્લાય પર અસર પડી છે
અન્ય શહેરોની વાત કરીએ તો ત્યાં ટામેટાની કિંમતો આસમાને પહોંચી ગઈ છે. ઉપભોક્તા મંત્રાલયના જણાવ્યાનુંસાર સોમવારે દિલ્હીના ભાવમાં 63 રુપિયા કિલો, મુંબઈ અને પટનામાં 65 રુપિયા પ્રતિ કિલો, લખનૌમાં 70 રુપિયા પ્રતિ કિલો અને ગુરુગ્રામ, શિમલા તથા લુધિયાણામાં 60 રુપિયા પ્રતિ કિલો થઈ ગયો છે.
ફક્ત ટામેટા જ નહીં પરંતુ બટાકા અને ડુંગળીના ભાવમાં પણ સતત વધારો થઈ રહ્યો છે. બટાકાની વાત કરીએ તો મોટા ભાગની જગ્યાઓ પર ભાવ 35-40 રુપિયા છે અને કેટલીક જગ્યાઓ પર ભાવ 45 રુપિયા પ્રતિ કિલો સુધી પહોંચી ગયો છે. ઉપભોક્તા મંત્રાલયના જણાવ્યાનુંસાર સોમવારે દિલ્હીમાં બટાકાનો રિટેલ ભાવ 37 રુપિયા પ્રતિ કિલો, ગુરુગ્રામમાં 35 રુ, શિમલામાં 45 રુ, લુધિયાણામાં 40 રુ, મુંબઈમાં 44 રુ, પટનામાં 36 રુ અને કોલકત્તામાં 32 રુ. પ્રતિ કિલો નોંધાયો છે.
બટાકા અને ટામેટાની જેમ ડુંગળીમાં પણ આવી જ હાલત છે. ઉપભોક્તા મંત્રાલયના જણાવ્યાનુંસાર સોમવારે દિલ્હીમાં ડુંગળીની કિંમતો 41 રુ. પ્રતિ કિલો થઈ છે. સરકારે ડુંગળીના ભાવ વધારાને જોતા તેની નિકાસ પર પ્રતિબંધ મુકી દીધો છે.
વરસાદના કારણે બજારોમાં શાકભાજીના સપ્લાય પર અસર પડી છે. જેના કારણે ભાવમાં સતત વધારો થઈ રહ્યો છે. આ ઉપરાંત છેલ્લા કેટલાક દિવસોમાં ડીઝલની કિંમતોમાં એકતરફી તેજી જોવા મળી છે. જેનાથી શાકભાજીને બજારો સુધી પહોંચાડવાનો જથ્થો વધ્યો અને આ જ વધારાને કારણે શાકભાજીના ભાવ પર અસર જોવા મળી રહી છે.