તમારા કામનું / બૅન્કમાં કેટલા ઍકાઉન્ટ રાખી શકાય? એકથી વધારે હોય તો કોઈ તકલીફ પડે? જાણો શું છે RBIના નિયમ

• મહત્તમ કેટલા બેંક એકાઉન્ટ ખોલી શકો છો?
• લાંબા સમય સુધી સક્રિય ન રહેતા બેંક ખાતુ બંધ થશે
• શું છે RBIનો નિયમ?

ભારતમાં બેંક એકાઉન્ટ ખોલવાની કોઈ લિમિટ નક્કી નથી

બેંકોમાં લેવડ-દેવડ કરતી સમયે અથવા કોઈ બેંકમાં ખાતુ ખોલાવતી સમયે તમારા મગજમાં આ સવાલ અવશ્ય આવ્યો હશે કે તમે મહત્તમ કેટલા બેંક એકાઉન્ટ ખોલાવી શકો છો? ભારતમાં બેંક એકાઉન્ટ ખોલવાની કોઈ લિમિટ નક્કી નથી. રિઝર્વ બેંક ઑફ ઈન્ડિયા ભારતની કેન્દ્રીય બેંક છે અને આ બાકી બધી બેંકો માટે નિયમો નક્કી કરે છે. રિઝર્વ બેંકે બેંક ખાતાની સંખ્યા પર કોઈ પણ લિમિટ નક્કી કરી નથી. પછી તમે ગમે તેટલા એકાઉન્ટ ખોલાવી શકો છો. 

મલ્ટીપલ એકાઉન્ટ આ રીતે કરો મેનેજ 

જો તમે ઘણી બેંકોમાં તમારું ખાતુ ખોલાવવા માંગો છો તો તમે તેને સરળતાથી મેનેજ કરી શકો છો. જેના માટે તમારે તમારા એકાઉન્ટ્સ પરથી લેવડ-દેવડ ચાલુ રાખવી પડશે. લાંબા સમય સુધી સક્રિય ન રહેતા બેંક તમારું ખાતુ બંધ કરી શકે છે. તેથી તમારે તમારા બધા એકાઉન્ટ્સનો ઉપયોગ કરતા રહેવુ પડશે. જો કે, ઘણા બધા બેંક એકાઉન્ટ ખોલતી સમયે તમારે ઘણી વાતોને ધ્યાનમાં રાખવાની જરૂર પડે છે. 

મિનિમમ બેલેન્સ મેન્ટેન કરવુ પડશે 

વર્તમાનમાં લગભગ બધી બેંકોમાં સેલેરી એકાઉન્ટ છોડીને સેવિંગ એકાઉન્ટમાં મિનિમમ બેલેન્સને મેન્ટેઇન કરવુ જરૂરી બનાવ્યું છે. જેનો અર્થ એ છે કે તમારે તમારા બેંક ખાતામાં એક મિનિમમ બેલેન્સ હંમેશા રાખવુ પડશે. જો તમે આમ કરતા નથી તો તમારા બેંક ખાતામાંથી ચાર્જ કાપી નાખવામાં આવશે.