તમારા કામનું / ઇન્વર્ટર અને નોન ઇન્વર્ટર એસી વચ્ચે શું તફાવત, કયું AC છે બેસ્ટ? બિલ કયા ACમાં ઓછું આવે? જાણો 

• લોકોના મનમાં એક મૂંઝવણ છે કે કયું એસી શ્રેષ્ઠ છે
• ઇન્વર્ટર એસી કે નોન ઇન્વર્ટર એસી?
• આ બે AC વચ્ચે શું તફાવત છે?

અત્યારે ગરમી એવી છે કે લોકો જરૂરી કામ વિના ઘરની બહાર જવાનું ટાળે છે. પણ પરિસ્થિતિ એવી છે કે ઘરની અંદર ખૂબ ગરમી પડે છે અને પંખા- કુલર પણ 42 ડિગ્રીથી વધુ ગરમીમાં કામ નથી કરતું. આવી સ્થિતિમાં લોકો પાસે એસી લગાવવાનો વિકલ્પ છે. 

હવે અંહિયા વાત એમ છે કે મોંઘું હોવાને કારણે દરેક લોકો તેને ઇન્સ્ટોલ કરી શકતા નથી અને જેઓ તેને ઇન્સ્ટોલ કરે છે તેમના મનમાં એક મૂંઝવણ છે કે કયું એસી શ્રેષ્ઠ છે? ઇન્વર્ટર એસી કે નોન ઇન્વર્ટર એસી? તો ચાલો જાણીએ કે કયું AC હોય છે બેસ્ટ.. 

આ બે AC વચ્ચે શું તફાવત છે?
વાસ્તવમાં, જો કાર્યક્ષમતા વિશે વાત કરીએ તો નોન-ઇન્વર્ટર એસી નિયમિત ગતિની કાર્યક્ષમતા પર ચાલે છે. જ્યારે ઇન્વર્ટર એસી નોન ઇન્વર્ટર એસીથી અલગ છે, કારણ કે તાપમાનની સાથે ઝડપ અને ક્ષમતામાં ફેરફાર જોવા મળે છે.

કયા ACનું કુલિંગ વધુ સારું?
ઇન્વર્ટર એસી કોમ્પ્રેસર મોટરની ગતિને નિયંત્રિત કરે છે. આ કિસ્સામાં નોન-ઇન્વર્ટર એસી કરતાં રૂમને ઝડપથી ઠંડુ કરે છે. તે જ સમયે ઇન્વર્ટર ACનું કોમ્પ્રેસર જ્યારે રૂમ ઠંડું પડે ત્યારે બંધ થતું નથી પણ તે ઓછી ઝડપે કામ કરતું રહે છે. આને કારણે, તે રૂમનું તાપમાન સમાન જાળવી રાખે છે. જ્યારે નોન ઇન્વર્ટર AC માં તે બરાબર વિપરીત છે.

વીજળીનું બિલ કયા ACમાં ઓછું આવે?
શું ઇન્વર્ટર એસી ચલાવવાથી કે નોન-ઇન્વર્ટર એસી ચલાવવાથી વીજળીનું બિલ ઘટાડી શકાય? જો આપણે બંનેની સરખામણી કરીએ તો નોન-ઇન્વર્ટર ACની સરખામણીમાં ઇન્વર્ટર એસી ચલાવવાથી વીજળીનું બિલ ઘટાડી શકાય છે.

જો તમે નોન ઇન્વર્ટર એસી અથવા ઇન્વર્ટર એસી ખરીદવાનું વિચારી રહ્યા છો, તો તમારા માટે એ જાણવું મહત્વપૂર્ણ છે કે નોન ઇન્વર્ટર એસી ની સરખામણીમાં ઇન્વર્ટર એસી ની કિંમત થોડી વધારે છે. પૈસા બચાવવા માટે તમે ઓનલાઈન અને ઓફલાઈન બંને રીતે કિંમત ચકાસી શકો છો.