કામની વાત / સોનું ખરીદવાનું વિચારી રહ્યાં છો? તો પહેલા જાણી લેજો 18, 22 અને 24 કેરેટ વચ્ચેનો તફાવત

ભારતમાં મોટા પ્રમાણમાં લોકો સોનાનો ઉપયોગ ઘરેણાં બનાવવા માટે કરે છે. ઘણા લોકો લગ્ન, સમારોહ કે તહેવાર પર સોનાના ઘરેણાં  પહેરતાં હોય છે. આ સિવાય દેશમાં ઘણા લોકો સોનાને ઇન્વેસ્ટ માટે પણ ખરીદે છે.

બજારમાં  જ્યારે આપણે સોનું ખરીદવા જઈએ છીએ તે દરમિયાન 18, 22 અને 24 કેરેટનું સોનું મળે છે. ત્યારે શું તમને ખબર છે કે 18,22 અને 24 કેરેટ સોનામાં શું તફાવત હોય છે? જો તમને નથી ખબર તો આના વિષે જાણવું જરૂરી છે. કેરેટ સોનાની શુદ્ધતા દર્શાવે છે. સોનુ જેટલા વધારે કેરેટનું એટલું જ વધારે શુદ્ધ. તો ચાલો જાણીએ કે 18, 22 અને 24 કેરેટ સોનાના અંતર વિશે જાણીએ.  

24 કેરેટ સોનુ

24 કેરેટનું સોનુ સંપૂર્ણ રૂપે શુદ્ધ હોય છે. આમાં કોઈ પણ પ્રકારની ભેળસેળ નથી હોતી. બજારમાં 24 કેરેટ સોનાને 99.9% શુદ્ધ માનવામાં આવે છે. 24 કેરેટ સોનું ઘણું ચમકીલું હોય છે.

આ કારણે આની શાઈનિંગથી ખબર પડી જાય છે કે આ 24 કેરેટનું સોનું છે. શુદ્ધ હોવાના કારણે 24 કેરેટ સોનું 22 કે 18 કેરેટની સરખામણીએ વધારે મોંઘું હોય છે. 24 કેરેટ સોનું ઘણુ નરમ અને લચીલું હોય છે. આ જ કારણે આનો ઉપયોગ  ઘરેણાં બનાવવામાં નથી થતો.

22 કેરેટ સોનુ

22 કેરેટ સોનાનો ઉપયોગ મોટાભાગે સોનાના ઘરેણાં બનાવવામાં થાય છે. માત્રા અનુસાર આને 91.67% શુદ્ધ સોનું કહેવામાં આવે છે. આને બનાવવામાં તાંબુ, તાંબુ, જસત અને ચાંદી જેવી અન્ય ધાતુઓનો પણ ઉપયોગ થાય છે. આ કારણોસર 22 કેરેટ સોનુ ઘરેણાં માટે આદર્શ માનવામાં આવે છે.

વધુ વાંચોઃવાઘનું મોઢું ગંધાય છે એવું કોણ કહે? તમને સાતમી વખત ટિકિટ આપવી પડશે, સી આર પાટિલનો કટાક્ષ

18 કેરેટ સોનુ

18 કેરેટમાં 75% ભાગ સોનાનો હોય છે. ત્યારે આમાં 25% અન્ય ધાતુઓને મિક્સ કરવામાં આવે છે. 24 કેરેટ અને 22 કેરેટની તુલનામાં 18 કેરેટનું સોનું વધારે સસ્તું હોય છે. 18 કેરેટનું સોનુ ટકાઉ અને મજબૂત હોય છે. 

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ