ગુજરાત વિધાનસભાની છ બેઠકની પેટાચૂંટણીની આજે મતગણતરી યોજાઈ છે. લગભગ તમામ બેઠકો પર બપોરે 11 વાગ્યા સુધી પાંચ રાઉન્ડ પુરા થયા છે. લોકોની નજર આ છ માંથી માત્ર બે જ બેઠક પર રસ છે. અને એ છે રાધનપુર અને બાયડ કે જ્યાં કોંગ્રેસમાંથી પક્ષપલટી ભાજપમાં આવેલાં બંને અલ્પેશ ઠાકોર અને ધવલસિંહ ઝાલા હારશે કે જીતશે.
પ્રથમ પાંચ રાઉન્ડમાં બંને 6 હજાર મતથી પાછળ
અલ્પેશને ચૌધરી સમાજ અને ઠાકોરો નડી શકે
ધવલસિંહને પટેલો અને ચૌધરીઓ નડશે
પ્રજાનો મૂડ પહેલેથી જ કોંગ્રેસ તરફી
પ્રથમ રાઉન્ડ અને બેલેટ પેપરને બાદ કરતાં પાંચ રાઉન્ડ સુધી ભાજપના બંને ઉમેદવારો અલ્પેશ ઠાકોર અને ધવલસિંહ ઝાલા કોંગ્રેસથી પાછળ ચાલી રહ્યા હતા. અને એ પણ 6 હજાર જેટલાં વધુ મતો થી. નિશ્ચિત રીતે રાધનપુર અને બાયડ બેઠક પર પ્રજાનો મૂડ ચૂંટણી પહેલાંથી જ કોંગ્રેસ તરફી હતો જે હાલમાં દેખાઈ રહ્યો છે.
પક્ષપલટું પર વિશ્વાસ ઓછો
અલ્પેશ ઠાકોર અને ધવલસિંહ ઝાલા કોંગ્રેસમાંથી પક્ષપલટી ભાજપમાં આવ્યા અને ભાજપે સીધી જ ટિકિટ પણ આપી દીધી. જેથી ભાજપના નારાજ કાર્યકર્તાઓ અને પક્ષપલટુ તરીકેની છાપ બંનેને નડી છે. જ્યારે આ લખાઈ રહ્યું છે ત્યારે રાધનપુર બેઠક પર અલ્પેશ ઠાકોર અંદાજે 6 હજાર મતોથી પાછળ છે. જ્યારે ધવલસિંહ ઝાલા બાયડ બેઠક પરથી 6200 જેટલાં મત પાછળ છે.