અત્યારે સાઈબર ક્રાઈમના કેસ ખૂબ જ વધી ગયા છે. હેકર તમારી પર્સનલ જાણકારી ચોરીને ફ્રોડ કરે છે. આને જોતાં હવે ઈ-આધારમાં માસ્ક્ડ આધારની સુવિધા પણ મળે છે. જેના વિશે બહુ ઓછાં લોકો જાણે છે. તમે આમાં તમારી માહિતી સુરક્ષિત રાખી શકો છો. એટલે કે માસ્ક્ડ આધાર એક સુરક્ષિત વિકલ્પ છે. માસ્ક્ડ આધાર કાર્ડનો સૌથી મોટો ફાયદો એ થાય છે કે તેનો કોઈ દુરુપયોગ નથી કરી શકતું. જાણો શું છે માસ્ક્ડ આધાર કાર્ડ.
માસ્ક્ડ આધાર કાર્ડમાં આધારના શરૂઆતના 8 અંક દેખાતા નથી
શું હોય છે માસ્ક્ડ આધાર કાર્ડ?
Masked Aadhaar એક એવો ઓપ્શન છે જે યુઝર્સને ડાઉનલોડ કરવામાં આવેલા ઈ-આધારમાં આધાર કાર્ડને માસ્ક કરવાની સુવિધા આપે છે. આનો મતલબ છે કે માસ્ક્ડ આધાર કાર્ડ પર નંબર "xxxx-xxxx"ની જેમ દેખાય છે. માસ્ક્ડ આધાર કાર્ડમાં આધાર નંબરના શરૂઆતના આઠ આંકડા નથી દેખાતા, ફક્ત આધાર નંબરના ચાર ડિજિટ જ દેખાય છે.
આ રીતે કરો ડાઉનલોડ કરો Masked Aadhaar Card
Masked Aadhaar Card મેળવવા માટે સૌથી પહેલા UIDAIની વેબસાઇટ uidai.gov.in ઓપન કરવી પડશે, અહીં Download Aadharના ઓપ્શન પર ક્લિક કરવાનું રહેશે.
આ પછી આધાર/ વીઆઇડી/ એનરોલમેન્ટઆઈડીના ઓપ્શનને સિલેક્ટ કરી Masked Aadhaar Card પર ક્લિક કરો.
આ સેક્શનમાં માંગવામાં આવેલી જરૂરી જાણકારી ભરો 'રિક્વેસ્ટ ઓટીપી' પર ક્લિક કરી દો.
હવે તમારા આધાર કાર્ડથી લિંક્ડ મોબાઇલ નંબ પર એક ઓટીપી આવશે.
OTP નાંખીને બીજી ડિટેલ ભરો, હવે Download Aadhar પર ક્લિક કરી માસ્ક્ડ આધાર ડાઉનલોડ કરો.