દેશમાં કોરોનાની ગતિ ધીમી થઈ છે પણ સાથે જ તેમાંથી બહાર આવવામાં સમય લાગી રહ્યો છે. જાણો શું છે લોન્ગ કોવિડના લક્ષણો.
શરીરમાં લાંબા સમય સુધી રહે છે કોરોના વાયરસ
જાણો શું છે લોન્ગ કોવિડના લક્ષણો
જાણો કઈ રીતે મળશે તેમાંથી રાહત
કોરોના વાયરસનો કહેર ઘટ્યો નથી પણ તેમાં રાહત મળી છે. એક રિપોર્ટમાં જાણવા મળ્યું છે કે કોરોનાથી રાહત મળ્યા બાદ પણ તેના લક્ષણો શરીરમાં અઠવાડિયાઓ અને મહિનાઓ સુધી કાયમ રહે છે.
જાણો શું હોય છે long covid
long covidએ સ્થિતિ છે જેમાં વાયરસની ઝપેટમાં આવ્યા બાદ વ્યક્તિનો રિપોર્ટ નેગેટિવ આવે છે પણ શરીરમાં તેના લક્ષણો કાયમ રહે છે. એક રિપોર્ટ અનુસાર આ લક્ષણો સતત 12 અઠવાડિયા સુધી રહે છે. કેટલાક લોકોનું માનવુ છે કે 8 અઠવાડિયાથી વધારે લક્ષણો જોવા મળે તો પણ તે લોન્ગ કોવિડનો સંકેત છે.
શરીરના અંગોને કરે છે પ્રભાવિત
લોન્ગ કોવિડ શરીરમાં સતત રહેવાથી શરીરને અનેક તકલીફોનો સામનો કરવો પડી શકે છે. જેમકે ફેફસા, હ્રદય, કિડની કે બ્રેન પર પણ તેની અસર જોવા મળે છે. આ સિવાય ફ્લૂ જેવા લક્ષણો પણ જોવા મળે છે જેમકે માથુ દુઃખવું, તાવ, ઠંડી લાગવી, પેટ ખરાબ થવું, ઉલ્ટી કે ચક્કર આવવાની સ્થિતિ બની રહે છે. 10 દિવસ બાદ કન્ફ્યુઝન, બ્રેન ફોગ, સાંધામાં દુઃખાવો જેવી સ્થિતિ અનુભવાય છે અને 15 દિવસ બાદ હાઈ અને લો બ્લડ પ્રેશર, હાર્ટ રેટનું વધવું અને બેહોશ થવાની સ્થિતિ સર્જાય છે. 21 દિવસ બાદ સંક્રમિત લોકોના અસામાન્ય લક્ષણો જેમકે મોઢામાં ચાંદા થવા, આંખમાં સક્રમણ અને સ્કીન પ્રોબ્લેમ્સ પણ જોવા મળે છે. તેને કોવિડ ટોસના નામે ઓળખવામાં આવે છે.
કોવિડ આટલા સમયમાં બને છે લોન્ગ કોવિડ
એક રિપોર્ટ અનુસાર કોવિડને long covid બનવામાં લગભગ 12 અઠવાડિયાનો કે તેનાથી વધારે સમય લાગી શકે છે. તેનાથી વ્યક્તિના શરીર પર અસર થાય છે. રિપોર્ટ અનુસાર 5 સંક્રમિતમાંથી 1માં 5 અઠવાડિયાથી વધારે સમય સુધી લક્ષણો દેખાય છે તો 10માંથી 1 સંક્રમિતમાં 12 અઠવાડિયા સુધી કોરોનાના લક્ષણો જોવા મળી રહ્યા છે.