વાયરલ / બોટાદ ભાજપના બે નેતાઓની વાતચીતમાં એવું શું છે કે AUDIO વાયરલ થયો ?

• બોટાદ ભાજપમાં ઉકળતો ચરું
• બે નેતાઓની ઓડિયો કલીપ વાયરલ 
• પડઘા ગાંધીનગર પડવાની શક્યતા 

બોટાદ જિલ્લા ભાજપમાં બે નેતાઓની વાતચીતનો ઓડિયો વાયરલ થતા રાજકારણમાં ગરમી આવી ગઈ છે. જિલ્લા પંચાયત પ્રમુખ અને ગઢડા તાલુકા ભાજપ મંત્રીની ઓડિયો વાતચિત વાયરલ થઇ છે.2022 વિધાનસભા ચૂંટણી માટે માત્ર એક જ વર્ષ બાકી છે ત્યારે, ભાજપમાં ચાલતો આંતરગ્રહ સપાટી પર આવ્યો છે. 

ઉકળતો જૂથવાદ 
સમગ્ર ઘટનાની વિગત પ્રમાણે બોટાદ જિલ્લા પંચાયતના પ્રમુખ ઘનશ્યામ વિરાણીની ઓડિયો ક્લિપ વાયરલ થઇ છે.જેમાં ગઢડા તાલુકા ભાજપ મહામંત્રી મુકેશ બોરડાનો  ઉધડો લીધો હતો.ઘનશ્યામ વિરાણી વાત દરમિયાન વિવેક-ભાન ભૂલી જઈ અપશબ્દો બોલી ધમકી આપી છે. અને અન્ય જૂથને સમર્થન કરવા પણ ચીમકી ઉચ્ચારી હતી.ઓડિયો ક્લિપ વાયરલ થતા ભાજપમાં ઉકળતો  જૂથવાદનો ચરુ સામે આવ્યો છે.

પડઘા ગાંધીનગર સુધી 

ભાજપના બે નેતાઓ વચ્ચેની વાતચીતનો ઓડીયો વાયરલ થતા સમગ્ર બોટાદ પંથકમાં ચર્ચાનું કેન્દ્ર બન્યો છે. સ્થાનિક સ્તરે ચાલતા જૂથવાદના પડઘા ગાંધીનગર સુધી પડવાની શક્યતાઓ પણ સ્થાનિક નેતાઓ નકારી શકતા નથી