બજેટ / Gujarat Budget: જાણો, નીતિનભાઈના બજેટના પટારામાંથી મધ્યમ વર્ગ માટે જુઓ શું નીકળ્યું

• મહાત્મા ગાંધી રાષ્ટ્રીય ગ્રામીણ રોજગાર યોજના અંતર્ગત રૂ 490 કરોડની જોગવાઇ
• નિરાધાર વૃદ્ધ પેન્શન યોજના હેઠળ વૃદ્ધોને રૂ. 750ને બદલે રૂ.1 હજારની સહાય ચૂકવાશે
• 66 લાખ લોકોને મળશે વર્ષે 12 કિલો દાળ

ગરીબ અને મધ્યમ વર્ગના નાગરિકોને પ્રોટિનસભર આહાર મળે તે માટે હવે રેશનિંગની દુકાનમાં તુવેર દાળનું પણ વિતરણ કરાશે, લાભાર્થી દીઠ વર્ષે 12 કિલો તુવેર દાળ મળશે.

અન્ન અને નાગરિક પુરવઠા વિભાગ માટે રૂ. 1271 કરોડની જોગવાઈ

અન્ન અને નાગરિક પુરવઠા વિભાગ માટે રૂ. 1271 કરોડની જોગવાઈ. રમત ગમત, યુવા અને સાંસ્કૃતિક વિભાગ માટે રૂ. 560 કરોડની જોગવાઈ 

શિક્ષણ દ્વારા સહાય

મધ્યાહન ભોજન યોજના માટે અન્ન સંગમ યોજના. અન્ન સંગમ યોજના માટે 980 કરોડની જોગવાઇ. રાઇટ ટુ એજ્યુકેશન એક્ટ હેઠળ 550 કરોડ.

વૃદ્ધોનું પેન્શન વધારાયુ

નિરાધાર વૃદ્ધ પેન્શન યોજના અંતર્ગત અત્યારે માસિક રૂ.750ની સહાય આપવામાં આવે છે . જેમાં હવે 75 વર્ષ કે તેથી વધુ વયના નિરાધાર વૃદ્ધોને માસિક રૂ.1000 પેન્શન આપવામાં આવશે. જે માટે કુલ રૂ.117 કરોડની જોગવાઇ. હાલમાં 80 ટકા કે તેથી વધુ માનસિક દિવ્યાંગતા ધરાવતા વ્યકિતઓને માસિક રૂ.600 સહાય આપવામાં આવે છે . જેમાં વધારો કરી રૂ.1000ની સહાય આપવામાં આવશે. પાલક માતા - પિતા યોજના અંતર્ગત 18200 લાભાર્થીઓ માટે રૂ.50 કરોડની જોગવાઇ. 

મહાત્મા ગાંધી રાષ્ટ્રીય ગ્રામીણ રોજગાર યોજના અંતર્ગત રૂ 490 કરોડની જોગવાઇ

સરકારી કર્મચારીઓને પરિવાર સાથે રહેઠાણ માટે ઉત્તમ સુવિધાયુકત મકાનો ઉપલબ્ધ કરાવવા રૂ.123 કરોડના ખર્ચે 548 કવાર્ટર્સનું બાંધકામ પૂર્ણ કરેલ છે . આ વર્ષે તેમજ 1456 ક્વાર્ટર્સનું કામ રૂ.409 કરોડના ખર્ચે પ્રગતિમાં છે . ભવિષ્યમાં રૂ.350 કરોડના ખર્ચે 1345 ક્વાર્ટર્સ બનાવવાનું આયોજન કરેલ છે . મહાત્મા ગાંધી રાષ્ટ્રીય ગ્રામીણ રોજગાર યોજના અંતર્ગત રૂ 490 કરોડની જોગવાઇ