કાયદો / 1 ડિસેમ્બરથી હાઇવે પર સફર કરી રહ્યા હોય ત્યારે આ ચીજ રાખજો સાથે નહીંતર થશે દંડ

• ગાડી નહીં રાખવી પડે હવે ઊભી
• ફાસ્ટટેગ લગાવો, ફાસ્ટટ્રેકથી જાઓ
• ડિસેમ્બરથી આવી રહ્યો છે નિયમ

કેન્દ્ર સરકાર દ્વારા જાહેરાત કરવામાં આવી છે કે 1 ડિસેમ્બરથી દેશના તમામ હાઇવે પર આવેલા ટોલ બૂથ ઉપર લેવાતો ટેક્સ હવે કેશલેસ કરવામાં આવશે અને ફાસ્ટ ટેગના માધ્યમથી ટોલ ટેક્સ વસુલવામાં આવશે. કેન્દ્ર સરકારના નિર્ણયના કારણે તમામ વાહન માલીકોએ ફાસ્ટ લગાવવું ફરજિયાત છે આમ તો આ વ્યવસ્થા કેવી રીતે કરવી અને શું એની કામગીરી હશે તેનાથી અનેક વાહનચાલકો અજાણ છે. 

કેવી રીતે મેળવવો ફાસ્ટેગ 

આપને જણાવી દઇએ કે બેંક, એમેઝોન અને ફાસ્ટેગની વેબ સાઈટ પરથી લિંક ડાઉનલોડ કરીને તમે ફાસ્ટ ટેગ મંગાવી શકો છો અથવા તો કોઈપણ ટોલ નાકા પર જઈને તમે ફાસ્ટ ટેગ લગાવી શકો છો આના માટે વાહન ચાલકે વાહનની આરસી બુક લાયસન્સ ફોટો આઈડી પ્રુફ અને રૂપિયા 500 રોકડા આપશો એટલે તમારા વાહનને  ટેગ લાગી જશે અને તમારા વોલેટ માંથી ટોલ ટેક્સના નાણાં ઓટો ડેબિટ થશે. આના માટે વાહન ચાલકે વાહનની આરસી બુક લાયસન્સ ફોટો આઈડી પ્રુફ અને રૂપિયા 500 રોકડા આપશો એટલે તમારા વાહનને  ટેગ લાગી જશે અને તમારા વોલેટ માંથી ટોલ ટેક્સના નાણાં ઓટો ડેબિટ થશે. 

1 ડિસેમ્બરથી અમલી બની રહ્યો છે નિયમ

1 ડિસેમ્બરથી અમલી બની રહેલી ફાસ્ટ ટેગની વ્યવસ્થા વાહન માલિકો માટે અટપટી જરૂર લાગી રહી છે કારણ કે ફાસ્ટ ટેગ લગ્યા પછી તેમાં રાખવામાં આવતું બેલેન્સ કેવી રીતે કરવું, બેન્કનું એકાઉન્ટ કેવી રીતે જોઈન્ટ કરવું આ તમામ બાબતો વાહન માલિકોએ માટે મુશ્કેલીરૂપ લાગી રહી છે. 

કેટલાક વાહનમાલિકોને વાહન શોરૂમ દ્વારા ફાસ્ટટેગ લગાવી દીધું છે પરંતુ તે ટોલટેક્સ ઉપર કામ આપતું નથી જેના કારણે વાહનચાલકોને મુશ્કેલી વધી રહી છે આ ઉપરાંત ટોલ બૂથ પર ફાસ્ટ ટેગની ઓછી વિન્ડો હોવાના કારણે પણ ટ્રાફિકમાં મુશ્કેલી થશે તેવી ચિંતા વાહનચાલકો વ્યક્ત કરી રહ્યા છે. ડિસેમ્બરથી આખા દેશમાં શરૂ થનાર ફાસ્ટટેગની આ વ્યવસ્થા કેશલેસ તો થશે જ સાથે-સાથે ટોલટેક્ષ પર લાગતી લાંબી કતારોમાંથી પણ વાહનચાલકોને મુક્તિ મળશે.