બિઝનેસમેન અને અભિનેત્રી શિલ્પા શેટ્ટીના પતિ રાજ કુંદ્રાની પોર્ન ફિલ્મો બનાવવાના આરોપો હેઠલ ધરપકડ થઈ હતી. ત્યાર બાદ પોર્ન ફિલ્મોને લઈને કાયદાઓ ભારતમાં ચર્ચાનો વિષય બન્યા છે.
પોર્ન ફિલ્મો ન હોવાનો વકીલનો દાવો
રાજ કુંદ્રાના વકીલ શુભાષ દ્વારા દાવો કરવામાં આવ્યો હતો કે ખરેખર તેમના દ્વારા બનાવવામાં આવતી ફિલ્મોને પોર્ન ફિલ્મો ન કહી શકાય. કારણ કે આ ફિલ્મોમાં સંભોગનાં દ્રશ્યો દર્શાવવામાં નથી આવતા. અને બીભત્સ કન્ટેન્ટ ગણી શકાય પરંતુ પોર્ન ન કહી શકાય. ત્યાર બાદ ભારતમાં એ ચર્ચાએ જોર પકડયું હતું કે કયા પ્રકારનું કન્ટેન્ટ શૃંગારિક કે આર્ટ ફિલ્મો હેઠળ લઈ શકાય અને કયા પ્રકારનું કન્ટેન્ટ પોર્ન ગણવું જોઈએ.
પોર્ન કોને કહેવાય?
પોર્નોગ્રાફી એને કહેવાય જેનો એકમાત્ર હેતુ જાતીય ઈચ્છા જાગૃત કરવાનો હોય. ઓક્સફર્ડ ડિક્શનરી અનુસાર પોર્નોગ્રાફી એટલે એવું કન્ટેન્ટ કે જેમાં લોકોને નગ્ન દર્શાવવામાં આવે છે. જેમાં જોનારની જાતીય ઈચ્છા જાગૃત કરવાના આશયથી લોકો વચ્ચેનો સમાગમ અથવા રતિક્રીડા દર્શાવવામાં આવે છે.
ઇરોટીક કે શૃંગારિક સાહિત્ય કહ્યું?
ઇરોટીકા એટલે એ પ્રકારનું કન્ટેન્ટ જેનો હેતુ સાહિત્યિક હોય છે. જેમાં ચિત્રો, સ્થાપત્યો, ફિલ્મો, નાટક, સંગીત કે લખાણો કોઇપણનો સમાવેશ થઈ શકે છે. આ સાહિત્યનો મુખ્ય હેતુ કળાને પ્રોત્સાહન આપવાનો હોય છે પરંતુ તેમાં જાતીય લાગણીઓ પણ દર્શાવવામાં આવી હોય છે.
કાયદો શું કહે છે?
ભારતમાં ત્રણ કાયદાઓ પોર્ન કન્ટેન્ટ બનાવવા સામે સજાની જોગવાઈ દર્શાવે છે.
1)ભારતમાં ઇન્ફોર્મેશન ટેક્નોલોજી એકટ 2000
2)હેઠળ ઇન્ડીયન પિનલ કોડ (IPC) અને
3)પોકસો એકટ-2012 હેઠળ આ પ્રકારના ગુનાઓમાં સજા થઈ શકે છે. જેમાં ગુનાની ગંભીરતા અનુસાર સજાની જોગવાઈ રહેલી છે.
ઈન્ફર્મેશન ટેક્નોલોજી એકટ
આ કાયદા હેઠલ અશ્લીલ સાહિત્યનુ વેચાણ કે ઇલેક્ટ્રોનિક માધ્યમથી તેને દર્શાવવું કે ફેલાવવું એ ગુનો છે. ભારતમાં રહીને આ પ્રકારનું કન્ટેન્ટ બનાવવું તો ગુનો છે જ પરંતુ તેનું સર્ક્યુલેશન, પબ્લિકેશન કે વેચાણ પણ ગુનો બને છે. આ કાયદાના સેકશન 67, 67-A અને 67-B હેઠળ આ પ્રકારની પ્રવૃત્તિ સાથે સંકળાયેલ વ્યક્તિને 3 થી 5 વર્ષની જેલની સજા થઈ શકે છે અને આ ઉપરાંત 10 લાખ સુધી દંડની પણ જોગવાઈ છે. આ જ કાયદાનો સેકશન 67-B આ પ્રકારના કન્ટેન્ટમાં બાળકોના ઉપયોગના વિરુદ્ધમાં છે.
પોકસો એકટ
પ્રીવેન્શન ઓફ ચિલ્ડ્રન ફ્રોમ સેક્સ્યુઅલ ઓફેન્સીસ એકટ 2012 મુજબ આ પ્રકારનું કન્ટેન્ટ એટલે કે બીભત્સ કન્ટેન્ટ બાળકોને બતાવવું કે પ્રેરણા આપવી પણ ગુનો બને છે. આ ગુના હેઠલ કડક સજાની જોગવાઈ કરવામાં આવી છે. માટે બાળકોને લઈને કોઈ અશ્લીલ ફિલ્મ બનાવવી તેને વાંચવા કે જોવા માટે અશ્લીલ કન્ટેન્ટ આપવું ગંભીર ગુનો બને છે.
જો કે ભારતમાં પોર્ન જોવા વિરુદ્ધ કોઈ ગંભીર ગુનાની જોગવાઇઓ નથી. કોઈ વ્યક્તિ બંધ બારણે આ પ્રકારનું કન્ટેન્ટ જોવે તો તે ગુનો બનતો નથી એવું સુપ્રીમ કોર્ટે 2015 માં ઓપેલા એક ચુકાદામાં જણાવ્યું હતું. પરંતુ ફિલ્મ બનાવવી કે લખાણ લખીને વેચાણ કરવું ગુનાપાત્ર સજા છે.