મદદ / ભારતે અમેરિકા સાથે કરી એવી ડીલ કે ચીનની દરેક હરકત પર રાખી શકાશે હવે નજર

આમ આપણે કહી શકીએ કે આ સમજૂતિ પછી મળેલી સુચનાના આધાર પર ભારત દ્વારા દુશ્મનો પર ફાયર કરેલી મિસાઇલ સૌથી વધારે સટીક અને લક્ષ્યભેદી થઇ શકશે. 

BECA ડીલ ભારત અને અમેરિકા વચ્ચે રક્ષા સહયોગનું સમજૂતિ છે. આ હેઠળ બંને દેશ Geospatial (ભૂ-સ્થાનિક) સૂચના અને ખાનગી જાણકારી એક-બીજાને આપી શકાશે. 

શું છે Geospatial સૂચનાઓ?

અમે તમને જણાવીએ છીએ કે Geospatial સૂચના શું હોય છે અને તેનું શું રણનીતિક મહત્વ છે? ખરેખર તો Geospatial એવી સૂચના છે જેનું પૃથ્વીના એક નિશ્ચિત ભૂ-ભાગથી સંપર્કમાં છે. અમેરિકાની સેટેલાઇટ અને તેના આધુનિક ઉપકરણથી આ જાણકારી લગાવામાં સક્ષમ છે કે દુનિયાના કોઇપણ ભૂ-ભાગ પર શું ગતિવિધિઓ થઇ રહી છે. 

Geospatial ડાટા દ્વારા કોઇપણ નિશ્ચિત જગ્યામાં એક ખાસ સમયમાં આવેલા ફેરફારની ખબર મેળવી શકાય છે. સામારિક મહત્વની વાત કરીએ તો આ ડાટાના વિશ્લેષણ દ્વારા કોઇ સ્થાન પર સૈન્ય એકઠું, હથિયારની તહેનાતી, ભૂભાગમાં મોટો ફેરફારને લઇને ખબર લગાવી શકાય છે. જેનાથી સૈન્યની તૈયારીઓ, મોટા પાયે નિર્માણ અંગેની જાણકારી પ્રાપ્ત કરી શકીએ છીએ.

દુશ્મનની યુધ્ધની તૈયારીઓની મળશે જાણકારી

સ્પષ્ટ છે કે આ ડેટા દ્વારા ભારતને પોતાની આસ-પાસના દુશ્મનની કોઇપણ સેનાની તૈયારીઓ અંગે જાણ થઇ શકે છે અને જરૂરિયાત પડવા પર તેને નષ્ટ પણ કરી શકે છે. આ ડીલના ઓપરેશનલ થયા બાદ ભારતના મિસાઇલ યુદ્ધ જેવી સ્થિતિમાં અને વધારે સટીક અને મારક અને લક્ષ્યભેદી થઇ શકે છે. 

ચીન સામે મદદગાર

ભારત અને અમેરિકાની આ ડીલ પર એવા સમયે હસ્તાક્ષર કરવામાં આવી રહ્યાં છે જ્યારે ચીન સાથે આપણા સંબંધો વચ્ચે તણાવ ઉચ્ચ સ્તર પર પહોંચી ગયો છે. ચીન સતત યુદ્ધની ધમકીઓ આપી રહ્યું છે અને સરહદ પર ગેર જવાબદાર વલણ અપનાવી રહ્યું છે.

એવામાં આ ડીલના કારણે ભારતને સરહદ પર ચીનની સારી સૈન્ય ગતિવિધિઓ અંગેના ફોટા અને ચાર્ટ દ્વારા મળી શકશે. ભારતને હવે અમેરિકાની મદદથી કોઇપણ નિશ્ચિત ભૂભાગ પર ચીનના સૈનિકોની સંખ્યા, હથિયારની માત્રા, સૈન્ય તૈયારીઓ અંગે ખબર મળતી થશે. 

Photo Source: Twitter