અચરજ / પૃથ્વીની 660 કિમી નીચે શું છે? પાતાળમાંથી મળેલ આ 'ડાઘા'એ કર્યો ખુલાસો, વૈજ્ઞાનિકો પણ હેરાન

• પૃથ્વીના પેટાળમાં શું છે?
• ધરતીના 660 કિમી નીચેથી મળી આવ્યો આ હીરો
• વૈજ્ઞાનિકો પણ આ જોઇને થઇ ગયા હેરાન

પૃથ્વીના ગર્ભમાં શું છે તેને લઇને આજ સુધી લોકો અટકળો લગાવતાં આવ્યા છે, કેટલાક લોકો કહે છે કે પૃથ્વીના ગર્ભમાં પાતાળ છે અને ધર્મ તો 3 લોકને દર્શાવે છે જેમાં પૃથ્વી, આકાશ અને પાતાળ લોક છે. હવે આ પદાર્થ રાઝ ખોલી શકે છે. પાતાળમાંથી કાઢવામાં આવેલા હીરામાં જોવા મળતા ખનીજનો આ પહેલો નમૂનો છે. 

ખનીજનું નામ ડેવેમાઓઈટ છે
ડેવેમાઓઈટ નામનું આ ખનિજ પૃથ્વી પર જોવા મળતા ઉચ્ચ દબાણવાળા કેલ્શિયમ સિલિકેટ પેરોવસ્કાઈટ (CaSiO3)નું પ્રથમ ઉદાહરણ છે. CaSiO3 નું બીજું સ્વરૂપ જે વોલાસ્ટોનાઈટ તરીકે ઓળખાય છે તે સામાન્ય રીતે સમગ્ર વિશ્વમાં જોવા મળે છે. પરંતુ દેવમાઓઈટ એક સ્ફટિકીય માળખું ધરાવે છે જે પૃથ્વીના આવરણના ઉચ્ચ દબાણ અને ઉચ્ચ તાપમાનના ભાગમાં જ બને છે. આવરણ એ બાહ્ય કોર અને પોપડા વચ્ચેનો પૃથ્વીનો મુખ્યત્વે નક્કર સ્તર છે.

પૃથ્વીના 660 કિમી નીચેથી મળ્યો આ હીરો
ડેવામોઇટ લાંબા સમયથી પૃથ્વીના આવરણમાં વિપુલ પ્રમાણમાં અને ભૌગોલિક રાસાયણિક રીતે મહત્વપૂર્ણ ખનિજ હોવાનું માનવામાં આવે છે, જે 660 કિમી નીચે રચાયેલા હીરા દ્વારા પ્રગટ થયું છે . પરંતુ વૈજ્ઞાનિકોને તેના અસ્તિત્વ સાથે સંબંધિત કોઈ પ્રત્યક્ષ પુરાવા ક્યારેય મળ્યા નથી. કારણ કે જ્યારે તે સપાટી તરફ આગળ વધે છે અને જ્યારે દબાણ ઓછું થાય છે ત્યારે તે અન્ય ખનિજોમાં તૂટી જાય છે. હવે દક્ષિણ આફ્રિકાના બોત્સ્વાનામાં એક હીરા મળી આવ્યો છે, જે સપાટીથી લગભગ 660 કિમી નીચે આવરણમાં બનેલો છે.

ડેવમાઓઈટની શોધને કહ્યું 'આશ્ચર્ય'
આ હીરાની અંદર ફસાયેલા ડેવમાઓઈટના સેમ્પલ સામે આવ્યા છે. તેથી, ઇન્ટરનેશનલ મિનરલોજિકલ એસોસિએશને હવે ડેવમાઓઈટને નવા ખનિજ તરીકે પુષ્ટિ આપી છે. પ્રખ્યાત ભૂ-ભૌતિકશાસ્ત્રી હો-ક્વાંગ (ડેવ) માઓના નામ પરથી તેનું નામ ડેવમાઓઈટ રાખવામાં આવ્યું છે. લાસ વેગાસની યુનિવર્સિટી ઓફ નેવાડાના ખનિજશાસ્ત્રી ઓલિવર ત્સ્ચુનરે લાઈવ સાયન્સને જણાવ્યું હતું કે ડેવામોઈટની શોધ 'આશ્ચર્યજનક' છે.