સર્વે / ભારતીયોએ 2018માં Google પર સૌથી વધારે સર્ચ કરી આ ચીજો, જાણો શું

સૌથી મોટું સર્ચ એન્જીન ગૂગલના એક રિપોર્ટનું માનીએ તો ભારતના લોકો મેટ્રિમનિયલ સાઇટ્સ પર લાઇફ પાર્ટનર શોધવા કરતાં ડેટિંગ સાઇટ્સ પર પાર્ટનર શોધવાનું વધારે પસંદ કરે છે. જી હાં, ગૂગલની 'ઇયર ઇન સર્ચ ઇન્ડિયા: ઇનસાઇટ્સ ફૉર બ્રાન્ડસ'ના રિપોર્ટમાં સામે આવ્યું છે કે ઇન્ટરનેટ દ્વારા ડેટિંગ પાર્ટનર શોધવામાં 40 ટકાનો વધારો થયો છે જ્યારે મેટ્રિમિનિયલ સાઇટ્સ દ્વારા ઇન્ટરનેટ પર લગ્નનો સંબંધ શોધવામાં માત્ર 13 ટકાનો વધારો થયો છે. 

જો કે હજુ પણ ડિજીટલ દુનિયામાં ડેટિંગ પાર્ટનર શોધવાની સરખામણીએ લગ્નના સંબંધ ત્રણ ગણા વધારે શોધી રહ્યા છે. પરંતુ જે સ્પીડથી ભારતીય યૂઝર્સમાં ડેટિંગનો ક્રેઝ વધી રહ્યો છે, એને જોઇને લાગી રહ્યું છે કે થોડાક વર્ષોમાં આ ટ્રેન્ડ લાઇફ પાર્ટનર શોધવાના ટ્રેન્ડને પાછળ કરી દેશે. ગૂગલનું આ નિરીક્ષણ મેટ્રિમિનિયલ સાઇટ ભારત મેટ્રિમની ની ફેબ્રુઆરીમાં કરવામાં આવેલી સ્ટડીનું સમર્થન કરે છે. જેમાં કહેવામાં આવ્યું છે કે એક સામાન્ય ભારતીય ધીરે ધીરે ખૂબ ભાવુક થતો જઇ રહ્યો છે. આ સર્વેમાં સામેલ 6 હજાર ભારીયોમાંથી 92 ટકાનું કહેવું હતું કે એ પ્રેમની શોધમાં છે. 

આ સર્વેમાં એવી વાત સામે આવી છે કે પોતાના પ્રેમને વ્યક્ત કરવા માટે 24 ટકા ભારતીય શબ્દોનો ઉપયોગ કરે છે, 21 ટકા રોમેન્ટિક ડિનર દ્વારા અને 34 ટકા ગિફ્ટ્સ આપીને જ્યારે 15 ટકા ભારતીય રોમેન્ટિક હૉલિ ડેનું પ્લાનિંગ કરીને પોતાના પાર્ટનર પ્રત્યે પોતાનો પ્રેમ વ્યક્ત કરે છે.