મહાસત્તામાં મહા'સંઘર્ષ' / જો હાર બાદ પણ ટ્રમ્પ વ્હાઈટ હાઉસનું રાજસિંહાસન ન છોડે તો શું થશે ?

• સરળતાથી ખુરશી નહીં છોડે ડોનાલ્ડ ટ્રમ્પ 
• જો ડોનાલ્ડ ટ્રમ્પ વ્હાઈટ હાઉસથી હટે જ નહીં તો શું ? 
• બાઈડેને વકીલોની સલાહ લેવાની શરૂઆત કરી 

અમેરિકામાં મતગણતરી ચાલુ 

અમેરિકામાં રાષ્ટ્રપતિ ચૂંટણીના પરિણામો અત્યારે રાષ્ટ્રપતિ ચૂંટણી ખૂબ રોમાંચક મોડ પર પહોંચી ગઈ છે અને બાઈડેન ત્યારે ટ્રમ્પથી આગળ ચાલી રહ્યા છે. રાષ્ટ્ર્પતિ ટ્રમ્પ સરળતાથી હાર માનવા તૈયાર નથી અને કહી રહ્યા છે કે તેઓ હવે સર્વોચ્ચ અદાલત જશે. બીજી તરફ બાઈડેને કહ્યું કે તે સરળતાથી જીત હાંસલ કરી લેશે. ડોનાલ્ડ ટ્રમ્પના તેવર જોઇને ઘણા બધા લોકોને લાગી રહ્યું છે કે હાર બાદ પણ ટ્રમ્પ સરળતાથી વ્હાઈટ હાઉસ છોડશે નહીં.  

નવનિયુક્ત રાષ્ટ્રપતિ પાસે છે આ સત્તા 

અમેરિકામાં ડોનાલ્ડ ટ્રમ્પના આ વલણને લઈને ખૂબ ચર્ચા થઇ રહી છે કે જો ટ્રમ્પ પદ છોડવા રાજી ન થયા તો શું થશે ? જો વર્તમાન  રાષ્ટ્રપતિ બીજી વાર ચૂંટણીમાં ઉભો થાય અને હાર ન માને ત્યારે તેને પદ પરથી હટાવવા માટે નવનિયુક્ત રાષ્ટ્રપતિ અને સિક્રેટ સર્વિસની ભૂમિક મહત્વની થઇ છે. જો કોઈ રાષ્ટ્રપતિ વ્હાઈટ હાઉસથી હટે નહીં તો નવનિયુક્ત રાષ્ટ્રપતિ પાસે સત્તા છે કે તે વ્યક્તિને કાઢવા માટે સિક્રેટ સર્વિસને આદેશ આપી શકે. 

બંધારણમાં કોઈ ઉલ્લેખ નથી 

જોકે મહત્વની વાત એ છે કે અમેરિકાના બંધારણમાં જો કોઈ રાષ્ટ્રપતિ પદ પરથી હટવા તૈયાર ન થાય અને વ્હાઈટ હાઉસમાં જ રહે તો શું કરવું તેનો કોઈ જ ઉલ્લેખ નથી. 

ટ્રમ્પના આ જીદ્દી વલણને જોતા બાઈડેને અત્યારથી વકીલોની સલાહ લેવાની શરુ કરી દીધી છે. જોકે બીજી તરફ ટ્રમ્પ પણ વોટિંગમાં છેડછાડનો આરોપ લગાવીને સર્વોચ્ચ અદાલતમાં પહોંચી ગઈ છે.