કોરોના કાળમાં બિગ બોસની 14મી સિઝન શરૂ થવા જઇ રહી છે. એવાંમાં દર્શકો પણ આ શો માટે ઘણાં જ એક્સાઇટેડ જોવા મળી રહ્યાં છે. બિગ બોસની 13મી સિઝને ટીવી જગતમાં ખૂબ ધૂમ મચાવી હતી. TRP મામલે પણ શોએ ઘણાં રેકોર્ડ બનાવ્યા હતાં. એવામાં દરેકની નજર આ શો પર છે. દર્શકો જાણવા આતુર છે કે, શોમાં આ વખતે કઈ કઈ સેલિબ્રિટીઝ આવવાની છે. પણ આ સૌની વચ્ચે એક સવાલ છે જે બધાંવા મગજમાં ચાલી રહ્યો છે કે, જો શોમાં કોઈ સ્પર્ધક કોરોના પોઝિટિવ આવે છે તો અ બાદ શું થશે.
બિગ બોસની 14મી સિઝનને લઈને બધાં ઉત્સુક છે
જો શોમાં કોઈ સ્પર્ધક કોરોના પોઝિટિવ આવશે તો શૂટિંગ રોકી દેવામાં આવશે
આવી સ્થિતિમાં હાલમાં જ બિગ બોસના મેકર્સે એક વર્ચ્યુઅલ પ્રેસ કોન્ફરન્સ કરી હતી જેમાં શોનાં હોસ્ટ સલમાન ખાન અને શોનાં મેકર્સે તમામ સવાલોનાં જવાબ આપ્યા હતાં. શોનાં મેકર્સે આ દરમિયાન શોમાં આવશ્યક સુરક્ષા અને સાવધાનીઓ અંગે પણ વાત કરી હતી. જેમાં જો કોઈ સ્પર્ધકને કોરોના વાયરસનાં લક્ષણ જોવા મળશે તો શૂટ રોકી દેવામાં આવશે. બિગ બોસ એક રિયલ ટાઇમ શો છે. એવામાં મેકર્સ શો સાથે જોડાયેલાં કોઇપણ વ્યક્તિના સ્વાસ્થ્ય સાથે કોઈ રિસ્ક લેવા માંગતા નથી.
એવામાં મેકર્સે શોનાં ફોર્મેટમાં ઘણાં બદલાવ કર્યા છે. જેમાં શોમાં એન્ટ્રી પહેલાં તમામ પ્રતિયોગિઓને કોરન્ટાઈન કરી લેવામાં આવશે અને તેમનો કોરોના ટેસ્ટ પણ થશે. આ દરમિયાન જો કોઇ સ્પર્ધક બીમાર પડે છે તો તેને શૂટિંગ માટે કેમેરા આપવામાં આવશે.
તમને જણાવી દઇએ કે, સલમાન ખાન 3 ઓક્ટોબરે શોનું લોન્ચિંગ કરશે. પ્રેસ કોન્ફરન્સ દરમિયાન સલમાન ખાને શોમાં સામેલ થનારા સ્પર્ધકોનાં નામોનો પણ ખુલાસો કર્યો છે.