VTV Exclusive / ટોક્યો ઓલિમ્પિકમાં ગયેલી છ ગુજરાતી દીકરીઓની રમતનું શું થયું? જાણો તમામ અપડેટ્સ

ટોક્યો ઓલિમ્પિક 2020 માં ભારતના 127 એથ્લીટ્સ ભાગ લેવા માટે પહોંચ્યા છે. આમાં ગુજરાત તરફથી છ મહિલા ખેલાડીઓએ પણ ભારતનું પ્રતિનિધિત્વ કર્યું હતું. 

અંકિતા રૈના
અંકિત રૈનાએ ભારત તરફથી ટેનિસમાં સિંગલ્સ અને ડબલ્સ બંને રમતોમાં પ્રતિનિધિત્વ કર્યું હતું. અંકિતા રૈના ગુજરાત તરફથી ઓલિમ્પિકમાં ભાગ લેનાર પ્રથમ મહિલા ખેલાડી છે. આ સાથે તેણે ઇતિહાસ રચ્યો હતો. ભારત તરફથી અંકિતા રૈના અને સાનિયા મિર્ઝા મહિલાઓની ડબલ્સ રમતમાં રમ્યા હતા.
વિમેન્સ ડબલ્સની પ્રથમ મેચમાં તેઓની શરૂઆત સરસ રહી હતી. બંને ખેલાડીઓએ પ્રથમ રાઉન્ડ 0-6 થી જીતી લીધો હતો. આ સાથે તેમણે ચાહકોમાં જીતની આશા જગાડી દીધી હતી. પરંતુ ત્યાર બાદ સતત બે રાઉન્ડમાં 7-6 અને 10-8 સાથે તેમની હાર થતાં સાઇના-અંકિતાનો પરાજય થયો હતો. અને સાથે મહિલાઓની ડબલ્સમાં ભારતની ઓલિમ્પિક સફરનો અંત આવ્યો હતો. અંકિતાએ ટ્વિટ કરીને ચાહકો અને સપોર્ટર્સનો આભાર માન્યો હતો. તેણે કહ્યું હતું કે ઘણી વાર આપણે રમતને આપનણું સર્વસ્વ આપી દઈએ તો પણ પરિણામ આપણા હાથમાં નથી હોતું. 

We gave our hearts out on court, but sometimes the results aren’t in your control.

I want to thank everyone for the kind messages that have come in since the weekend.

Immensely thankful to be able to play at my 1st Olympics. I hope to be back at the next one to make 🇮🇳 proud. pic.twitter.com/2A1aJnrR5e

— Ankita Raina (@ankita_champ) July 27, 2021

માના પટેલ 
ભારતીય સ્વિમર માના પટેલ માત્ર 21 વરસની ગુજરાતી દીકરી છે. તેની સફર પણ ઘણી દીકરીઓ માટે પ્રેરણા સમાન છે પરંતુ ઓલિમ્પિકમાં તે પોતાનો કમાલ બતાવી શકી ન હતી. ઝીમ્બાબ્વેની ખેલાડી ડોનાટા સામે તેનો પરાજય થયો હતો અને તે સેમિફાઇનલમાં પ્રવેશ મેળવી શકી નહોતી. ઓવરઓલ તે 39 માં ક્રમે રહી હતી. 

એલાવેનિલ વાલરીવાન 
પોતાનો પ્રથમ ઓલિમ્પિક રમી રહેલી ભારતીય શૂટર એલાવેનિલ પણ ટોક્યો ઓલિમ્પિકમાં નિષ્ફળ રહી હતી.  તે સિનિયર શૂટિંગમાં 10 મીટર એર રાઈફલ ઇવેન્ટમાં 16માં ક્રમે રહી હતી. એલાવેનિલ વર્લ્ડ કપ ફાઇનલમાં બે વખત ગોલ્ડ મેડલ જીતી ચૂકી છે. એક સમયે તે વર્લ્ડ નંબર વન પણ રહી ચૂકી છે.     

પેરાલિમ્પિક
ઓલિમ્પિકની જેમ દિવ્યાંગો માટેનો રમતોત્સવ રમાતો હોય છે જે ઓલિમ્પિકના તુરંત બાદ રમશે અને તેમ સ્પેશ્યલિ એબલ એટલે કે દિવ્યાંગ લોકો ભાગ લેતા હોય છે. જેમાં ભારતનું પ્રતિનિધિત્વ ગુજરાતની ત્રણ દીકરીઓ પણ કરશે. ઓલિમ્પિકમાં સારી રમત બાદ પરાજય મળતા હવે પેરાલિમ્પિક રમતવીરો પાસેથી ભારતને મેડલની અપેક્ષા રહેશે. જો કે પેરાલિમ્પિક્સ 24 ઓગસ્ટે શરૂ થનાર છે, જે સપ્ટેમ્બર મહિના સુધી ચાલશે. 

ત્રણ ખેલાડીઓની રમત હજુ બાકી
પેરાલિમ્પિક્સમાં ગુજરાતની ત્રણ ખેલાડીઓ પારૂલ પરમાર, સોનલ પટેલ ભાવિના પટેલ અને સોનલ પટેલ પર સમગ્ર દેશ અને ગુજરાતની નજરો મંડાયેલી રહેશે.

પારૂલ પરમાર 
આ વખતે પેરાલિમ્પિકમાં બેડમિન્ટન પણ રમાવાની છે. ગુજરાતની પારૂલ પરમારની સફળતાની કહાની સૌને પ્રેરણા આપ એવી છે. 48 વરસની પારૂલ ગાંધીનગરની રહેવાસી છે અને તે વર્લ્ડ નંબર વન રહી ચૂકી છે. બે વાર વર્લ્ડ ચેમ્પિયનશીપ અને બે વાર એશિયન ચેમ્પિયનશીપ પણ જીતી ચૂકી છે. ભારતને આ વખતે તે પેરાલિમ્પિકમાં પણ ગૌરવ અપાવે તેવી સંભાવના છે. 

ભાવિના પટેલ અને સોનલ પટેલ 
આ બંને ખેલાડીઓ વ્હીલચેર ટેબલ ટેનિસની ખેલાડીઓ છે. બંને અનુક્રમે 12 અને 20 મી ક્રમાંકિત ખેલાડીઓ છે. બંને ખેલાડીઓ પાસેથી મેડલની અપેક્ષા રાખી શકાય એટલી સારી રમત બંને રમી ચૂકી છે. 

 
ભારતની આ વખતની ઓલિમ્પિક ટીમમાં સ્ત્રી શક્તિનું મોટું યોગદાન જોવા મળ્યું હતું. ટોક્યો ઓલિમ્પિકનો પ્રથમ મેડલ પણ ભારતને મીરાંબાઈ ચાનુએ અપાવ્યો હતો. ગુજરાતની દીકરીઓમાં મોટે ભાગે પ્રથમ વખત જ આટલા મોટાં પ્લેટફોર્મ પર રમવાનો અવસર મળ્યો હોવાના કારણે અનુભવનો અભાવ જોવા મળ્યો હતો પરંતુ આગામી દિવસોમાં આ જ દીકરીઓ ભારતને અને ગુજરાતને વધુ ગૌરવ અપાવે તેવી આશા બંધાઈ છે. પેરાલિમ્પિક્સમાં રમવા જનાર ત્રણેય દીકરીઓને આખું ગુજરાત ચીયર કરતું જોવા મળશે અને આવનાર દિવસોમાં આ છ ખેલાડીઓમાંથી પ્રેરણા લઈ બીજી અનેક ખેલાડીઓ રમતગમતમાં એક્ટિવ થશે એવી આશાઓ ગુજરાતવાસીઓ સેવી રહ્યા છે.