ઇમોશનલ થઇ ગઇ ધનશ્રી વર્મા
યુજવેન્દ્ર ચહલે જેવી પહેલી વિકેટ લીધી સ્ટેડિયમમાં રહેલી તેની વાઇફ ધનશ્રી વર્મા ઇમોશનલ થઇ ગઇ અને તેની આંખમાં આંસુ આવી ગયા હતા. ધનશ્રી પોતાના આંસુઓ પર કાબૂ ન રાખી શકી. ચહલને આ સિઝનમાં વિકેટ લેવા માટે 3 મેચની રાહ જોવી પડી છે કારણકે છેલ્લી 2 મેચમાં તેને સફળતા નહોતી મળી શકી.
ધનશ્રીની તસવીર વાયરલ
કેકેઆર વિરુદ્ધ રમતા ચહલે 4 ઓવરમાં 34 રન આપીને 2 વિકેટ લીધી હતી. તેણે ઓપનર નીતીશ રાણા અને અનુભવી બેટ્સમેન દિનેશ કાર્તિકને પેવેલિયન મોકલી દીધા હતા. ચહલે જેવી નીતીશ રાણાની વિકેટ લીધી કે સ્ટેડિયમમાં બેઠેલી ધનશ્રી ભાવૂક થઇ ગઇ હતી. ધનશ્રીની આ તસવીર સોશ્યલ મિડીયા પર વાયરલ થઇ રહી છે.
કોણ છે ધનશ્રી ?
ધનશ્રીની વાત કરીએ તો તે પ્રોફેશનલ ડેન્ટિસ્ટ છે અને યુટ્યુબ પર તેની ચેનલ ધરાવે છે જમાં તેના 15 લાખ કરતા પણ વધારે સબસ્ક્રાઇબર છે. ધનશ્રી અને ચહલ છેલ્લા ઘણા સમયથી એકબીજાને ડેટ કરી રહ્યાં હતા. બાદમાં તેમને લાગ્યુ કે હવે સગાઇ કરી લેવી જોઇએ ત્યારે તેમના માતા-પિતાની મંજૂરી સાથે સગાઇ અને બાદમાં લગ્ન કરી લીધા હતા.