ગુજરાત યુનિવર્સિટીમાં પ્રવેશ માટે રજિસ્ટ્રેશન કરાવેલ વિદ્યાર્થીઓના નામ,અટક બદલાઈ ગયા છે..જેનું પરિણામ વિદ્યાર્થીઓને ભોગવવું પડી રહ્યું છે.
ગુજરાત યૂનિ.બેદરકારી
વિધાર્થીઓના નામ-અટકમાં છબરડાં
વિદ્યાર્થીઓમાં ચિંતા.હવે શું ?
નવી નવી શિક્ષણ યોજનાઓ અને નવા નવા MOU કરી સતત લાઈમ લાઈટમાં રહેવા પ્રયાસ કરતી ગુજરાત યૂનિવર્સીટીની બેદરકારી છાસવારે સામે આવે છે.ગુજરાત યૂનિવર્સીટીમાં પ્રવેશ માટે રજિસ્ટર થયેલા નામોની યાદીમાં મસમોટા છબરડા બહાર આવ્યા છે.
પ્રકિયા નવેસરથી ?
ગુજરાત યુનિવર્સિટીમાં પ્રવેશ માટે રજિસ્ટ્રેશન કરાવેલ વિદ્યાર્થીઓના નામ,અટક બદલાઈ ગયા છે..જેનું પરિણામ વિદ્યાર્થીઓને ભોગવવું પડી રહ્યું છે. ગુજરાત યુનિવર્સિટી ધોરણ 12 બાદ પ્રવેશ પ્રક્રિયા શરૂ કરવામાં આવી હતી જેમાં વિદ્યાર્થીઓએ રજિસ્ટ્રેશન કરાવ્યું હતું જે બાદ વિદ્યાર્થીઓને PDF મળી હતી, જે PDF માં રજિસ્ટ્રેશન કરાવ્યા મુજબ નામ નથી તેની જગ્યાએ નામ બદલાઈ ગયા છે. આવા 200 જેટલા વિદ્યાર્થીઓના નામ,અટક અને પિતાના નામ બદલીને આવ્યા છે. તેને લઈને વિવાદ સામે આવ્યો છે.
હવે ગુજરાત યૂનિ. નવેસરથી પ્રવેશ પ્રક્રિયા આરંભશે ? કે પછી વિદ્યાર્થીઓની ફરીથી નોંધની કરશે. તે માટે વિધાર્થીઓ મિટ માંડીને બેઠા છે.