શિખર સંમેલન / BRICS સંમેલનમાં મજાની ઘટના : PM મોદીએ કહ્યું એવું કે જિનપિંગ, પુતિને કાઢી નાખ્યા ઈયરફોન અને હસવા લાગ્યા

• પ્રધાનમંત્રી મોદીએ BRICS સંમેલનને સંબોધન કર્યું
• મોદીએ કહ્યું કે ભલેને ઓનલાઈન હોય ફોટો તો બને જ છે
• આ સાંભળીને ચાર રાષ્ટ્રધ્યાક્ષોએ ઈયરફોન કાઢી નાખ્યા
• અને પીએમની વાત સાંભળીને હસવા લાગ્યા

પીએમ મોદીએ કહ્યું કે ભલેને ઓનલાઈન હોય ફોટો તો બને જ છે. આ માટે તેમણે પોતાનો ઈયરફોન કાઢીને પાંચ દેશોના રાષ્ટ્રધ્યાક્ષોને આ વિનંતી કરી. આ વાત સાંભળીને ચાર રાષ્ટ્રધ્યાક્ષો મલકાયા અને ઈયરફોન ઉતારીને ગ્રુપ ફોટો અપાવ્યો. 

ગુરુવારે પ્રધાનમંત્રી મોદીએ બ્રિક્સની 13 મી બેઠકની અધ્યક્ષતા કરી. બેઠકને સંબોધિત કરતા મોદીએ કહ્યું કે છેલ્લા દોઢ દાયકામાં બ્રિક્સે ઘણી ઉપલબ્ધિઓ મેળવી છે. આજે આપણએ વિશ્વની ઉભરતી ઈકોનોમી માટે એક પ્રભાવશાળી અવાજ છીએ. વિકાશશીલ દેશોની પ્રાથમિકતાઓ પર ધ્યાન કેન્દ્રીત કરવા માટે આ મંચ ઉપયોગી નીવડ્યું છે. મોદીએ કહ્યું કે આજની બેઠક માટે આપણી પાસે વિસ્તૃત એજન્ડો છે. 

અમે કાઉન્ટર ટેરરિઝમ એક્શન પ્લાન પણ સ્વીકાર્યો-મોદી
પીએમ મોદીએ કહ્યું કે પહેલી વાર  બ્રિક્સ મલ્ટીલિટરલ સિસ્ટમ્સની મજબૂતી અને સુધારા પર સંયુક્ત વલણ અપનાવ્યું. અમે બ્રિક્સ કાઉન્ટર ટેરરિઝમ એક્શન પ્લાન પણ સ્વીકાર્યો છે. 

BRICS દેશમાં પાંચ દેશો સામેલ
બ્રિક્સ દેશોમાં ભારત, રશિયા, ચીન, દક્ષિણ આફ્રિકા અને બ્રાઝિલ એમ પાંચ દેશો સામેલ છે. ભારતે પહેલી વાર બ્રિક્સ દેશોની અધ્યક્ષતા કરી છે.