પ્રહાર / ગુજરાતમાં વિકાસવાદ ચાલ્યો નહીં કે કોંગ્રેસનો.....: જુઓ ભાજપના પ્રચંડ વિજયને લઇ શું બોલ્યા અલ્પેશ ઠાકોર

• રાજ્યભરમાં ભાજપની પ્રચંડ જીત, અલ્પેશ ઠાકોરની VTV ન્યૂઝ સાથે વાતચીત
• PM મોદી અને અમિત શાહની જોડીની જીત, ગુજરાતમાં વિકાસવાદ ચાલ્યો: અલ્પેશ 
• આંદોલનના સાથી હાર્દિક અને જીગ્નેશ MLA બન્યા તેની ખુશી: અલ્પેશ ઠાકોર 

ગુજરાત વિધાનસભા ચૂંટણીમાં ભાજપની પ્રચંડ જીત થઈ છે. આ સાથે ગાંધીનગર દક્ષિણ બેઠક ઉપર અલ્પેશ ઠાકોરની પણ ભવ્ય જીત થઈ છે. અલ્પેશ ઠાકોરે VTV ન્યૂઝ સાથે ખાસ વાતચીતમાં જણાવ્યું હતું કે, ગુજરાતમાં વિકાસવાદ ચાલ્યો છે. ગુજરાતમાં આ વખતે નરેન્દ્રભાઈ મોદી અને અમિતભાઈ શાહની જોડીની જીત થઈ છે. 

ગાંધીનગર દક્ષિણ બેઠક પર ભવ્ય જીત મેળવનાર અલ્પેશ ઠાકોરે VTV ન્યૂઝ સાથે ખાસ વાતચીતમાં જણાવ્યું હતું કે, કોંગ્રેસની જાતીવાદની નીતીને લોકોએ જાકારો આપ્યો છે. પક્ષે મને ધારાસભ્ય બનાવ્યો એ મારા માટે ધણુ છે. આ સાથે તેમણે કહ્યું હતું કે, ગુજરાતમાં વિકાસવાદની જીત થઈ છે. 

હાર્દિક અને જીગ્નેશ માટે શું કહ્યું ? 

એક સમયે આંદોલનના કારણે ચર્ચામાં આવેલા ત્રણેય નેતા હાર્દિક-અલ્પેશ અને જીગ્નેશની આ ચૂંટણીમાં જીત થઈ છે.  VTV ન્યૂઝ સાથે ખાસ વાતચીતમાં અલ્પેશ ઠાકોરએ જણાવ્યું હતું કે, આંદોલનના સાથી હાર્દિક અને જીગ્નેશ MLA બન્યા તેની ખુશી છે. ગુજરાતની આ ચૂંટણીમાં કોંગ્રેસની જાતીવાદની નીતીને લોકોએ જાકારો આપ્યો છે.