ગોલ્ડન ચાન્સ / સોનું ચાંદી ખરીદવા માટે આનાથી સારો સમય કયો હોય? આજે ફરી ઘટયા ભાવ, જાણો લેટેસ્ટ રેટ

• મોંઘવારીમાં સતત વધારો છતાં સોનાના ભાવમાં ઘટાડો
• 999 શુદ્ધતાના સોનાની શરૂઆતી કિંમત 50803 રૂપિયા પ્રતિ દસ ગ્રામ 
• 24 કેરેટ સોનાની કિંમત આજે 5080 રૂપિયા પ્રતિ ગ્રામ
• 999 શુદ્ધતાની ચાંદીની કિંમત 54402 રૂપિયા પ્રતિ કિલો

આજે સોમવારે સપ્તાહના પહેલા દિવસે સોના અને ચાંદીની કિંમત પર દબાણ જોવા મળી રહ્યું છે. સવારે 11.50 વાગ્યે એમસીએક્સ પર ઓગસ્ટમાં ડિલિવરી માટેનું સોનું સ્થાનિક બજારમાં રૂ. 86 ઘટીને રૂ. 50558 પ્રતિ દસ ગ્રામ પર ટ્રેડ કરી રહ્યું હતું. ઓક્ટોબર ડિલિવરી માટેનું સોનું રૂ.85 ઘટીને રૂ.50794ના સ્તરે અને ડિસેમ્બર ડિલિવરી માટેનું સોનું રૂ.85 ઘટીને રૂ.50987ના સ્તરે ટ્રેડ થઈ રહ્યું છે. આજે આંતરરાષ્ટ્રીય બજારમાં પણ સોના પર દબાણ છે.  

ચાંદી પર પણ ભારે દબાણ 

ચાંદી પર પણ ભારે દબાણ જોવા મળી રહ્યું છે. સ્થાનિક બજારમાં એમસીએક્સ પર સપ્ટેમ્બર ડિલિવરી માટેની ચાંદી રૂ. 298 ઘટીને રૂ. 54833 પ્રતિ કિલોગ્રામના સ્તરે ટ્રેડ થઈ રહી છે. ડિસેમ્બર ડિલિવરી માટે ચાંદી 270 રૂપિયાના ઘટાડા સાથે 55992 રૂપિયા પ્રતિ કિલોગ્રામ પર ટ્રેડ થઈ રહી છે. આંતરરાષ્ટ્રીય બજારમાં તે 0.77 ટકાના ઘટાડા સાથે 18.46 ડોલર પ્રતિ ઔંસના સ્તરે ટ્રેડ થઈ રહ્યો હતો.

999 શુદ્ધતાના સોનાની કિંમત કેટલી છે ?

IBJA એટલે કે ઇન્ડિયન બુલિયન જ્વેલર્સ એસોસિએશનની વેબસાઇટ પર ઉપલબ્ધ માહિતી અનુસાર, 999 શુદ્ધતાના સોનાની શરૂઆતી કિંમત 50803 રૂપિયા પ્રતિ દસ ગ્રામ છે. 995 શુદ્ધતાના સોનાની કિંમત 50600 રૂપિયા પ્રતિ દસ ગ્રામ, 916 શુદ્ધતાના સોનાની કિંમત 46536 રૂપિયા પ્રતિ દસ ગ્રામ, 750 શુદ્ધતાના સોનાની કિંમત પ્રતિ દસ ગ્રામ રૂપિયા 38102, 585 શુદ્ધતાના સોનાની કિંમત પ્રતિ દસ ગ્રામ રૂપિયા 29720 છે. 999 શુદ્ધતાની ચાંદીની કિંમત 54402 રૂપિયા પ્રતિ કિલો છે.

24 કેરેટ સોનાની કિંમત કેટલી ? 

IBJAની વેબસાઈટ અનુસાર 24 કેરેટ સોનાની કિંમત આજે 5080 રૂપિયા પ્રતિ ગ્રામ છે. 22 કેરેટ સોનાની કિંમત 4958 રૂપિયા પ્રતિ ગ્રામ છે. 20 કેરેટ સોનાની કિંમત 4522 રૂપિયા પ્રતિ ગ્રામ છે. 18 કેરેટ સોનાની કિંમત 4115 રૂપિયા પ્રતિ ગ્રામ છે. 14 કેરેટ સોનાની કિંમત 3277 રૂપિયા પ્રતિ ગ્રામ છે.

મોંઘવારીમાં સતત વધારો છતાં સોનાના ભાવમાં ઘટાડો

દેશમાં મોંઘવારીનો આંકડો સતત વધી રહ્યો છે. અમેરિકા અને યુરોપના દેશોમાં તે ચાર દાયકાના સર્વોચ્ચ સ્તરે છે.  એવું માનવામાં આવે છે કે, જ્યારે મોંઘવારી વધે છે ત્યારે સોનાની કિંમત વધે છે. જોકે વધતી જતી મોંઘવારી વચ્ચે વર્ષ 2022માં સ્પોટ ગોલ્ડમાં 5.5 ટકાનો ઘટાડો થયો છે. આ સાથે યુએસ ઇન્ડેક્સ S&P 500 17 ટકા ઘટ્યો છે.