વિદેશ પ્રવાસ / શું વાત કરો છો... માત્ર આટલા રૂપિયામાં 16 દિવસ સુધી ફરો યુરોપના 10 દેશ

• દુનિયાના બેસ્ટ ટુરિસ્ટ ડેસ્ટિનેશનમાં યુરોપના દેશ સામેલ છે
• આ પેકેજ 15 રાત્રિ અને 16 દિવસનું હશે.
• બે વ્યક્તિઓને સાથે રહેવુ હશે તો પ્રતિ વ્યક્તિ 2,75,000 રુપિયા ખર્ચવા પડશે

દુનિયાના બેસ્ટ ટુરિસ્ટ ડેસ્ટિનેશનમાં યુરોપના દેશ સામેલ છે. દરેક ટ્રાવેલર જિંદગીમાં એકવાર યુરોપની સફર કરવા ઇચ્છે છે. જો તમે પણ યુરોપના વિવિધ દેશોની સફર કરવા ઇચ્છતા હો તો આઇઆરસીટીસી તમારા માટે એક શ્રેષ્ઠ અને સસ્તુ ટુર પેકેજ લાવ્યુ છે. આઇઆરસીટીસીની વેબસાઇટ પર અપાયેલી જાણકારી મુજબ આ ટુર પેકેજમાં તમને જર્મની, ઇટલી અને સ્વિટ્ઝરલેન્ડ સહિત યુરોપના 10 દેશોની સફર કરવાનો મોકો મળશે.

આ ટુરનું નામ ગ્રાન્ડ ટુર ઓફ યુરોપ એન્ડ યુકે એક્સ દિલ્હી-ભોપાલ છે. આ ટુરમાં યાત્રીઓને બ્રિટન, ફ્રાંસ, બેલ્જિયમ, હોલેન્ડ, સ્વિત્ઝરલેન્ડ, ઓસ્ટ્રિયા, જર્મની, લિકટેંસ્ટીન, ઇટાલી અને વેટિકન સિટીની ટુર કરાવાશે. આ પેકેજ 15 રાત્રિ અને 16 દિવસનું હશે.

આ 15 રાત અને 16 દિવસના પેકેજની શરુઆત 10 જુન 2020 અને 30 જુન 2020ના રોજ દિલ્હીથી થશે. તમે ઇચ્છો તેમાંથી એક તારીખ નક્કી કરી શકો છો. 10 જુન દરમિયાન ઉપડનારી ટુર 25 જુને પુર્ણ થશે, જ્યારે 30 જુને ઉપડનારી ટુર 15 જુલાઇએ ખતમ થશે. યાત્રિઓને આ દરમિયાન ડીલક્સ હોટલમાં રહેવાની વ્યવસ્થા સાથે સાથે બ્રેકફાસ્ટ-લંચ-ડિનર અને એસી વાહનોમાં
ફરવાની સુવિધા મળશે. ટુર પેકેજમાં રોકાવા અને ભોજન ઉપરાંત વીઝા ચાર્જ, ઇન્શ્યોરન્સ, એન્ટ્રી ફી પણ સામેલ છે.

આ ટુરમાં જનારા દરેક યાત્રીએ પ્રતિ વ્યક્તિ 2.75 લાખ રુપિયા ખર્ચવા પડશે. સિંગલ ઓક્યુપેંસીની એટલે કે સિંગલ રુમમાં રહેવા માટે પ્રતિ વ્યક્તિ 3,16,600 રુપિયા ખર્ચવા પડશે. ડબલ ઓક્યુપેંસી એટલે કે બે વ્યક્તિઓને સાથે રહેવુ હશે તો પ્રતિ વ્યક્તિ 2,75,000 રુપિયા ખર્ચવા પડશે. ટ્રિપલ ઓક્યુપેંસી એટલે કે ત્રણ લોકોને એક સાથે રહેવા માટે 2,73,100 રુપિયા ખર્ચવા પડશે.

જો તમારી સાથે 5થી 11 વર્ષના બાળકો હોય તો તમારે બાળક માટે 2,05,600 રુપિયા ખર્ચવા પડશે.