ફેસ ક્લિન એન્ડ ક્લિઅર બનાવવા માટે બ્લીચ એક બેસ્ટ ઓપ્શન છે. બ્લીચ ફેસના અણગમતા વાળનો રંગ લાઈટ અથવા સ્કિન જેવો કરી દે છે જેથી તે ફેસ પર દેખાઈ આવતા નથી. સાથે જ તેનાથી સ્કિનમાં નિખાર પણ આવે છે. બ્લીચિંગ એક એવી રીત છે જેમાં સ્કિનને નુકસાન પહોંચાડ્યા વિના અણગમતા વાળને છુપાવી શકાય છે અને ટેનિંગને પણ દૂર કરી શકાય છે. પણ હાં તેનો ઉપયોગ કરવામાં કેટલીક બાબતોનું ધ્યાન અવશ્ય રાખવું જેથી તમારી સ્કિનને નુકસાનથી બચાવી શકાય અને બ્લીચનું બેસ્ટ રિઝલ્ટ પણ મેળવી શકાય. તો ચાલો જાણી લો આજે તમે.
આટલી સાવધાની રાખો
સૌથી પહેલાં તો બ્લીચ લગાવતાં પહેલાં તેનો પેચ ટેસ્ટ કરીને જુઓ. તેના માટે કાનની પાછળ અથવા હાથ પર બ્લીચ લગાવીને જોઈ જુઓ કે તેનાથી તમને કોઈ એલર્જી કે બળતરાની સમસ્યા તો નથી થઈ રહી ને, પછી જ તમારા ફેસ પર તેને અપ્લાય કરો.
જો બ્લીચ લગાવ્યા બાદ બહુ તેજ બળતરા થાય તો તરત જ તેને દૂર કરીને તે ભાગને ઠંડા પાણીથી ધોઈ લો. નહીં તો સ્કિન પર રેશિઝ અથવા રેડનેસની સમસ્યા થઈ શકે છે.
બ્લીચ ક્યારેય આંખો, આઈબ્રો, હોઠ અથવા વાળ પર કરવું નહીં અને જો ભૂલથી લાગી પણ જાય તો તરત જ ધોઈ લેવું.
હમેશાં બ્રાન્ડેડ કંપનીનું જ બ્લીચ યૂઝ કરવું.
બહુ વધારે પ્રમાણમાં બ્લીચનો ઉપયોગ કરવાથી સ્કિનને નુકસાન થઈ શકે છે. જેથી બની શકે છે 1-2 મહિને બ્લીચ કરવું.
બ્લીચથી જો એલર્જી થઈને લાલ રંગના દાણા ફેસ પર ઉપસી આવે તો તરત જ બ્લીચ દૂર કરીને તે ભાગ પર ઠંડુ પાણી અથવા બરફ લગાવો.
બ્લીચ કર્યા બાદ ક્યારેય સાબુ કે ફેસવોશનો ઉપયોગ કરવો નહીં. તમે કોઈ ક્રીમથી હળવા હાથે મસાજ કરી શકો છો. બ્લીચ કર્યા બાદ તડકામાં પણ બહાર જવું નહીં.
બ્લીચ કર્યા બાદ આંખોમાં બળતરા થાય તો કોટન ગુલાબજળમાં પલાળીને આંખો પર રાખો. ફેસ પર કંઈ વાગી ગયું હોય તો બ્લીચ કરવું નહીં.
સેન્સિટિવ સ્કિન હોય તો બ્લીચ કરવાનું અવોઈડ કરવું જોઈએ. સાથે જ અસ્થમાના દર્દીઓએ પણ બ્લીચ અવોઈડ કરવું.
બ્લીચ કરતાં પહેલાં હમેશાં ફેસ પ્રોપરલી ક્લિન કરવું, તેના માટે ક્લીઝિંગ મિલ્ક અથવા બરફના પાણીથી પણ સાફ કરી શકો છો. તેનાથી બ્લીચ સારી રીતે થશે અને રિઝલ્ટ સારું આવશે.