રવિવારે શ્રીલંકા સામેની ત્રીજી વનડેમાં ટીમ ઈન્ડિયાના રન મશીન વિરાટ કોહલીની શાનદાર ઇનિંગ જોઈને પત્ની અનુષ્કા શર્માએ પણ વખાણ કર્યા હતા.
કોહલીની શાનદાર ઇનિંગ જોઈને પત્ની અનુષ્કાએ કર્યા વખાણ
ઈન્સ્ટાગ્રામ પર સ્ટોરી મૂકીને કહી આ વાત
આ ફિલ્મથી કમબેક કરશે અનુષ્કા શર્મા
બોલિવૂડ અભિનેત્રી અનુષ્કા શર્મા લાંબા સમયથી ફિલ્મોથી દૂર છે પણ અનુષ્કા શર્મા તેના સોશ્યલ મીડિયા પર ઘણી એક્ટિવ રહે છે અને એ કારણે અનુષ્કાનું નામ અવારનવાર લાઈમલાઈટનો હિસ્સો બની જાય છે. જણાવી દઈએ કે ટીમ ઈન્ડિયાના સ્ટાર ખેલાડી વિરાટ કહોલી જબરજસ્ત ફોર્મમાં છે અને શ્રીલંકા સામેની રવિવારે ત્રીજી વનડે મેચમાં ફરી એકવાર તોફાની બેટિંગ કરી હતી. વિરાટ કોહલીએ શ્રીલંકા સામેની ત્રીજી વનડેમાં અણનમ 166 રન બનાવ્યા હતા. રવિવારે શ્રીલંકા સામેની ત્રીજી વનડેમાં ટીમ ઈન્ડિયાના રન મશીન વિરાટ કોહલીની શાનદાર ઇનિંગ જોઈને પત્ની અનુષ્કા શર્માએ પણ થોડા વખાણ કર્યા હતા.
કોહલીની શાનદાર ઇનિંગ
ગઈ કાળની મેચમાં ટીમ ઈન્ડિયાએ ભારતીય ક્રિકેટ ટીમના ખેલાડી વિરાટ કોહલીની શાનદાર ઈનિંગના આધારે શ્રીલંકાની સામે 50 ઓવરમાં 391 રનનો વિશાળ ટાર્ગેટ આપ્યો હતો, જેના જવાબમાં શ્રીલંકાની આખી ટીમ 73 રનમાં સમેટાઈ ગઈ હતી. આ સાથે જ ટીમ ઈન્ડિયા 317 રનના અંતરે જીતી ગઈ હતી. જણાવી દઈએ કે આ સાથે જ વિરાટ કોહલીને તેની શાનદાર રમત માટે મેન ઓફ ધ મેચ અને પ્લેયર ઓફ ધ સિરીઝ તરીકે જાહેર કરવામાં આવ્યો હતો. આવી સ્થિતિમાં અનુષ્કા શર્મા તેના પતિ વિરાટ કોહલીની આ શાનદાર રમતના વખાણ કર્યા હતા.
અનુષ્કાએ કઇંક આ રીતે કર્યા કોહલીના વખાણ
અનુષ્કા શર્માએ તેના ઓફિશિયલ ઈન્સ્ટાગ્રામ હેન્ડલ પર સ્ટોરીમાં વિરાટ કોહલીનો ફોટો શેર કરતા લખ્યું કે - શું માણસ છે, કેટલી શાનદાર ઈનિંગ્સ રમી છે. આ સાથે આ ઈન્સ્ટા સ્ટોરીમાં અનુષ્કા સેલિબ્રેશન ઈમોજી પણ ઉમેર્યું હતું. જણાવી દઈએ કે આ પહેલા પણ અનેક વખતે અનુષ્કા શર્મા કોહલીની ઈનિંગ પર પ્રતિક્રિયા આપતી જોવા મળી છે.
આ ફિલ્મથી કમબેક કરશે અનુષ્કા શર્મા
અનુષ્કા શર્મા છેલ્લે 2018માં આવેલી ફિલ્મ 'ઝીરો'માં મોટા પડદા પર જોવા મળી હતી અને હવે લગભગ 5 વર્ષની લાંબી રાહ બાદ અનુષ્કા શર્મા નેટફ્લિક્સની ફિલ્મ 'ચકદા એક્સપ્રેસ' દ્વારા કમબેક કરતી જોવા મળશે. જણાવી દઈએ કે અનુષ્કા શર્માની આ આગામી OTT ફિલ્મનું શૂટિંગ પૂર્ણ થઈ ગયું છે. આ ફિલ્મમાં અનુષ્કા પૂર્વ ભારતીય મહિલા ક્રિકેટર ઝુલન ગોસ્વામીનું પાત્ર ભજવી રહી છે.