પશ્ચિમ રેલવેના મુંબઈ વિભાગે ટીકિટ ચેકિંગમાં એક મહત્વનું સોપાન સર કર્યુ છે. મે મહિનામાં ટીકિટ ચેકિંગ અભિયાનથી પશ્ચિમ રેલવેએ 12.24 કરોડ રૂપિયાની વસૂલાત કરી છે. પશ્ચિમ રેલવે મુજબ મુંબઈ સેન્ટ્રલ ડિવીઝનની સ્થાપના બાદ આ નવો રેકોર્ડ છે.
પશ્ચિમ રેલવેના મુંબઈ વિભાગે ટીકિટ ચેકિંગમાં મહત્વનું સોપાન સર કર્યુ
પશ્ચિમ રેલવેએ 12.24 કરોડ રૂપિયાની વસૂલાત કરી
મુંબઈ સેન્ટ્રલ ડિવીઝનની સ્થાપના બાદ આ નવો રેકોર્ડ
નિયમિત ટિકિટ તપાસ અભિયાન ચલાવવામાં આવ્યું
પશ્ચિમ રેલવેના મુંબઈ વિભાગના મુખ્ય જનસંપર્ક અધિકારી સુમિત ઠાકુરે કહ્યું કે અનાધિકૃત પ્રવાસ પર પ્રતિબંધ લગાવવા માટે નિયમિત ટિકિટ તપાસ અભિયાન ચલાવવામાં આવી રહ્યું છે. સ્થાપના બાદ મુંબઈ વિભાગ દ્વારા વસુલાતનુ અત્યાર સુધીનુ રેકોર્ડ પ્રદર્શન છે. પશ્ચિમ રેલવેએ ઈતિહાસ રચી દીધો છે. રેલવે મુજબ, આ મે મહિનામાં ભારતીય રેલવે દ્વારા એકત્ર કરવામાં આવેલી સૌથી વધુ રકમ છે, જે મહત્વની સિદ્ધી છે. કારણકે આ મે 2022ના મહિના માટે નિર્ધારિત લક્ષ્ય 1.26 કરોડથી 871 ટકા વધુ છે, જે અવિશ્વસનીય વધારો છે. તો વસુલ કરવામાં આવેલો હાલનો દંડ 9.4 કરોડ રૂપિયાના પહેલાના સર્વશ્રેષ્ઠ રેકોર્ડની તુલનામાં 30 ટકા વધુ છે.
કુલ આવક 21.65 કરોડ રૂપિયા રહીં
ઠાકુરે વધુમાં કહ્યું કે એપ્રિલ અને મે 2022ના મહિના માટે કુલ આવક 21.65 કરોડ રૂપિયા રહીં. જે ગયા વર્ષના 2.35 કરોડ રૂપિયા સંચિત આવકની તુલનામાં 821 ટકા વધુ છે. જે એક વખત ફરીથી અત્યાર સુધીની સૌથી વધુ આવક છે. બંને મહિના માટે કુલ સંચિત આવક પણ 3 કરોડ રૂપિયાના સંચિત લક્ષ્યથી 622 ટકા વધુ છે.