IPLમાં કોલકાતા નાઈટ રાઈડર્સના સ્ટાર રસેલે પોતાની નગ્ન સેલ્ફી લઈને સનસનાટી મચાવી દીધી છે. તેની સરખામણી બોલિવૂડ એક્ટર રણવીર સિંહ સાથે કરવામાં આવી રહી છે.
વેસ્ટ ઈન્ડિઝનો ઓલરાઉન્ડર આન્દ્રે રસેલ ફિટનેસના મામલે ટોપ પર રહે છે, પરંતુ આ વખતે તેણે પોતાની બોડી બતાવવા માટે કંઈક એવું કર્યું જેનાથી સોશીયલ મીડિયામાં હંગામો મચી ગયો. IPLમાં કોલકાતા નાઈટ રાઈડર્સના સ્ટાર રસેલે પોતાની સેલ્ફી લઈને સનસનાટી મચાવી દીધી છે. તે અરીસા સામે નગ્ન થઈને ઉભો છે. તેની સરખામણી બોલિવૂડ એક્ટર રણવીર સિંહ સાથે કરવામાં આવી રહી છે.
રસેલના ફોટાએ સનસનાટી મચાવી
34 વર્ષીય આન્દ્રે રસેલે તેની ઈન્સ્ટાગ્રામ સ્ટોરી પર ન્યૂડ સેલ્ફી અપલોડ કરી હતી. તેણે આ તસવીર વોર્ડરોબ સેક્શનમાં લીધી છે. રસેલ અરીસા સામે ઊભો રહીને સેલ્ફી ક્લિક કરી રહ્યો છે. તેણે ઈમોજીની મદદથી પ્રાઈવેટ પાર્ટ છુપાવ્યો હતો પરંતુ આ સેલ્ફીએ સોશિયલ મીડિયા પર સનસનાટી મચાવી દીધી છે. રસેલની આ તસવીર હવે ઈન્ટરનેટ પર જોરદાર વાયરલ થઈ રહી છે.
રસેલને તાજેતરમાં ઇન્ડિયન પ્રીમિયર લીગની આગામી સિઝન (IPL-2023) પહેલા કોલકાતા નાઇટ રાઇડર્સ ફ્રેન્ચાઇઝીએ જાળવી રાખ્યો છે. અનુભવી રાઇટ હેન્ડના ઓલરાઉન્ડરે પોતાની બોડી-ફિટનેસ દર્શાવતી એક તસવીર પણ શેર કરી છે. તસવીરમાં તેના સિક્સ-પેક એબ્સ દેખાય છે. રસેલે આ ફોટાના કેપ્શનમાં લખ્યું, 'ડુ મોર, ટોક લેસ!!!'
રણવીર સિંહ સાથે સરખામણી થઇ
આન્દ્રે રસેલની આ ન્યૂડ સેલ્ફી પર લોકોએ ઘણી કોમેન્ટ કરી. બાદમાં આ સ્ટોરી હટાવી દેવામાં આવી હતી. જોકે, તેને સોશિયલ મીડિયા પર અલગ-અલગ એકાઉન્ટ્સથી શેર કરવામાં આવ્યો હતો. રસેલની તુલના બોલિવૂડ સ્ટાર રણવીર સિંહ સાથે કરવામાં આવી રહી છે. રણવીરે પણ થોડા દિવસો પહેલા પોતાના ન્યૂડ ફોટોશૂટથી સનસનાટી મચાવી હતી.
રસેલ T20નો જાણીતો ક્રિકેટર
રસેલની ગણતરી વિશ્વના શ્રેષ્ઠ ઓલરાઉન્ડરોમાં થાય છે. T20 ક્રિકેટમાં તેના કુલ 7100થી વધુ રન છે. તેણે આ ફોર્મેટમાં 381 વિકેટ પણ લીધી છે. આંતરરાષ્ટ્રીય ક્રિકેટમાં તેણે 56 ODI, 67 T20 અને એક ટેસ્ટ મેચ રમી છે. તેણે વનડેમાં 1034 રન બનાવ્યા અને 70 વિકેટ લીધી. T20 આંતરરાષ્ટ્રીય ફોર્મેટમાં, તેણે 741 રન બનાવ્યા અને 39 વિકેટ લીધી.