વેસ્ટ ઈન્ડિઝના પૂર્વ દિગ્ગજ ખેલાડી બ્રાયન લારા મુંબઇની પરેલ સ્થિત ગ્લોબલ હોસ્પિટલમાં દાખલ કરવામાં આવ્યા છે. તેમણે છાતીના ભાગમાં દુખાવો થવાની ફરિયાદ કરતા તેમની હોસ્પિટલમાં સારવાર અર્થે દાખલ કરવામાં આવ્યા છે. તાજેતરમાં પ્રાપ્ત થયેલ જાણકારી મુજબ હોસ્પિટલ તંત્ર દ્વારા ટૂંક સમયમાં એક નિવેદન જાહેર કરવામાં આવશે.
છાતીમાં દુ:ખાવાની ફરિયાદ
#Mumbai: West Indies legend Brian Lara has been admitted to Global Hospital in Parel after he complained of chest pain. Hospital to issue a statement shortly. (file pic) pic.twitter.com/sGnvBpiavA
50 વર્ષની ઉંમર ધરાવતા બ્રાયન લારાને મંગળવારના રોજ બપોરે 12.30 કલાકની આસપાસ દવાખાને ખસડેવામાં આવ્યા હતા અને તાત્કાલિક અસરથી તપાસ હાથ ધરવામાં આવી હતી. સૂત્રો દ્વારા પ્રાપ્ત થયેલ જાણકારી મુજબ, એક હોટલના કાર્યક્રમમાં તેઓ હાજર હતા ત્યારે તેમને છાતીમાં દુ:ખાવાની ફરિયાદ હતી. આપને જણાવી દઇએ કે, લારા તાજેતરમાં ચાલી રહેલા વર્લ્ડ કપ દરમિયાન સ્ટાર સ્પોર્ટસ પર નિષ્ણાત તરીકે મુંબઇ સ્ટૂડિયોમાં કોમેન્ટ્રી ટીમ તરીકે હિસ્સો લઇ રહ્યા છે.
ઉલ્લેખનીય છે કે, લારા વેસ્ટ ઈન્ડિઝ તરફથી 131 ટેસ્ટ મેચમાં 11953 રન બનાવી ચૂક્યા છે. તેમણે હાઇએસ્ટ સ્કોર 400 રન બનાવ્યો છે. જે વર્લ્ડ રેકોર્ડ છે. પોતાના ટેસ્ટ કેરિયરમાં 34 શતક મારી છે.