શૉકિંગ ન્યૂઝ / બે વર્ષ સુધી અબોલ શ્વાનને બનાવી હવશનો શિકાર, રખડતાં શ્વાન સાથે કરી ગંદી હરકત, વીડિયો કારણે થયો જેલભેગો

• પશ્ચિમ બંગાળમાંથી સામે આવ્યો ચોંકાવનારો કિસ્સો
• 60 વર્ષીય વ્યક્તિએ પાલતુ કૂતરા પર આચર્યું દૂષ્કર્મ
• લોકોએ ગુપ્ત રીતે આ વ્યક્તિના કૃત્યનો વીડિયો બનાવ્યો

પશ્ચિમ બંગાળના દક્ષિણ 24 પરગણા જિલ્લામાંથી એક ચોંકાવનારો કિસ્સો સામે આવ્યો છે. અહીં સોનાપુર પોલીસ સ્ટેશન વિસ્તારના ચૌહાટી પ્યારબાગન વિસ્તારના 60 વર્ષીય વ્યક્તિએ લગભગ 2 વર્ષ સુધી પોતાના પાલતુ કૂતરા પર રેપ કર્યો. આ અંગે આસપાસના લોકોને જાણ થતાં તેઓ ચોંકી ઉઠ્યા હતા. ત્યારબાદ લોકોએ ગુપ્ત રીતે આ વ્યક્તિના જઘન્ય કૃત્યનો વીડિયો બનાવ્યો. ત્યાર બાદ આ વીડિયોના આધારે પોલીસમાં આ અંગે ફરિયાદ કરી હતી. આ પછી પોલીસ એક્શનમાં આવી અને રતિકાંત નામના વ્યક્તિની ધરપકડ કરી. પડોશીઓએ કેમેરામાં તેનું કૃત્ય કેદ કર્યા બાદ પોલીસે ગુરુવારે સાંજે રતિકાંત નામના વ્યક્તિની ધરપકડ કરી હતી. એક અહેવાલ મુજબ સ્થાનિક લોકોએ જોયું કે રતિકાંત નશામાં હતો. તેણે કોઈ કપડા પહેર્યા ન હતા. આ દરમિયાન તેનો પાલતુ કૂતરો જોર જોરથી ભસતો હતો. 

પાડોશીઓએ વ્યક્તિ પર લગાવ્યો ગંભીર આરોપ 

પડોશીઓએ દાવો કર્યો છે કે સરદાર લગભગ બે વર્ષથી તેમના પાલતુ કૂતરા સાથે ખરાબ વર્તન કરી રહ્યા હતા. અમે તેને વારંવાર કૂતરાને છોડી દેવા અને આવા કૃત્યથી દૂર રહેવા કહ્યું, પરંતુ તેણે અમારી વાત સાંભળવાની ના પાડી. વારંવાર સમજાવ્યા પછી પણ સરદારે લોકોની વાત સાંભળી નહિ. ત્યારબાદ પાડોશીઓએ જ્યારે આરોપી કૂતરા સાથે ગેરવર્તન કરી રહ્યો હતો ત્યારે તેનો વીડિયો બનાવ્યો અને તેને સોશિયલ મીડિયા પર શેર પણ કર્યો. મીડિયા રિપોર્ટ્સ અનુસાર, આ સમગ્ર ઘટનાનો વીડિયો સોશિયલ મીડિયા પર વાયરલ થયો છે. 

વ્યક્તિ વિરુદ્ધ લેખિત ફરિયાદ નોંધાવી 

આ પછી તેણે સોનારપુર પોલીસ સ્ટેશનમાં આ વ્યક્તિ વિરુદ્ધ લેખિત ફરિયાદ નોંધાવી હતી. એનિમલ વેલફેર ફાઉન્ડેશનના એક સભ્યનું કહેવું છે કે અમને આ જઘન્ય કૃત્યનો વીડિયો સામે આવ્યો છે. અમે તેના આધારે ક્રુઅલ્ટી ટુ એનિમલ્સ એક્ટ હેઠળ ઔપચારિક ફરિયાદ નોંધાવી હતી. આ પછી એફઆઈઆર નોંધવામાં આવી છે. તેણે કહ્યું કે લગભગ એક વર્ષ પહેલા સ્થાનિક લોકોએ આ વીડિયો રેકોર્ડ કર્યો હતો. તે કહે છે કે સ્થાનિક લોકો સાથે વાત કર્યા પછી અમને જાણવા મળ્યું કે તેઓએ વારંવાર આરોપીઓને આવા ખોટા કામ કરવા માટે ચેતવણી આપી હતી, પરંતુ તેણે તેની અવગણના કરી.