રક્ષક જ ભક્ષક / ચૂંટણી બાદ બંગાળમાં મહિલાઓના હાલ જાણીને ધ્રૂજી ઉઠશો, મામલો SCમાં પહોંચ્યો

• સુપ્રિમ કોર્ટમાં મહિલાઓએ કરી સામુહિક અરજી
• '6 વર્ષના પૌત્રની સામે કર્યો રેપ
• બંગાળ હિંસાની એસઆઈટી તપાસની માંગ

વિધાનસભા ચૂંટણી બાદ પશ્ચિમ બંગાળમાં જે પ્રકારે હિંસા થઈ હતી હવે તેની ચોંકાવનારી હકીકતો સામે આવી રહી છે. પશ્ચિમ બંગાળની ઘણી મહિલાઓએ સામુહિક અરજી સુપ્રિમ કોર્ટમાં કરી છે. જેમાં આરોપ લગાવવામાં આવ્યો છે કે ચૂંટણી બાદ થયેલી હિંસામાં તેમની સાથે રેપ કરવામાં આવ્યો હતો. અરજી કરનારમાં એક નાબાલિક યુવતી પણ સામેલ છે. 

સુપ્રીમ કોર્ટમાં હાલ બંગાળ હિંસાની એસઆઈટી તપાસની માંગ કરતી ઘણી અરજીઓ આપવામાં આવી છે. આ વચ્ચે એ મહિલાઓએ પોતાની અરજી દાખલ કરી સુનાવણીની માંગ કરી છે. અરજીમાં અપીલ કરવામાં આવી છે કે સર્વોચ્ચ અદાલત સીબીઆઈ અથવા એસઆઈટી તપાસના આદેશ આપે. જેની દેખરેખ ફક્ત સુપ્રીમ કોર્ટ દ્વારા જ કરવામાં આવે. 

અરજીમાં છલકાયુ દર્દી, '6 વર્ષના પૌત્રની સામે કર્યો રેપ'
સુપ્રીમ કોર્ટમાં ત્રણ અલગ અલગ અરજીઓ કરવામાં આવી છે. જેમાંથી એક અરજી 60 વર્ષની મહિલાએ દાખલ કરી છે. પોતાની અપીલમાં મહિલાએ ખૂબ જ દુઃખદ દ્રશ્ય વર્ણવ્યુ છે. મહિલાનો આરોપ છે કે તેની સાથે ગેંગ રેપ કરવામાં આવ્યું. તે પણ 6 વર્ષના પૌત્રની સામે. સાથે જ હુમલો કરનારે તેની વહુને ખૂબ માર માર્યો હતો. 

અરજીમાં કહેવામાં આવ્યું કે ત્રણ મેના રોજ ચૂંટણી પરિણાય આવ્યા હતા. ત્યારે 100-200 લોકોની ભીડ તેમના ઘરની પાસે પહોંચી. જે તૃણમૂલ કોંગ્રેસના સમર્થક હતા. તેમણે ઘર ખાલી કરવા કહ્યું. તે જ સમયે તેમની વહૂને માર મારવામાં આવ્યો. ત્યાર બાદ ચાર મેના રોજ રાત્રે લગભગ સાડા બાર વાગ્યે ટીએમસીના પાંચ કાર્યકર્ચાઓ આવ્યા અને ઘરની અંદર ઘૂસી ગયા. 

અરજીમાં વૃદ્ધ મહિલાએ આરોપ લગાવ્યો છે કે તેને માર મારવામાં આવ્યો. તેના હાથ પગ બાંધી દેવામાં આવ્યા અને પછી તેની સાથે રેપ કરવામાં આવ્યો. આ બધુ મહિલાના 6 વર્ષના પૌત્રની સામે થયું. મહિલાએ દાવો કર્યો છે કે પોલીસે આ મામલામાં એફઆઈઆર દાખલ નથી કરી. 

'જંગલમાં ઘસેડીને લઈ ગયા અને એક કલાક સુધી કર્યો રેપ'
અન્ય એક અરજીમાં જણાવવામાં આવ્યું છે કે 17 વર્ષની યુવતીને ચાર લોકોએ પાસેવા જંગલમાં ઘસેડીને લઈ જવામાં આવી અને લગભગ એક કલાક સુધી તેની સાથે રેપ કર્યો. અરજીમાં દાવો કરવામાં આવ્યો છે કે તેના પરિવારની રાજનૈતિક અને ધાર્મિક વિચારધારાના કારણે તેને નિશાન બનાવવામાં આવી. 

યુવતીએ પણ પોતાની અરજીમાં પોલીસની નાકામીનો આરોપ લગાવ્યો છે અને ટીએમસીના નેતાઓ પર ધમકાવવાનો આરોપ પણ લગાવ્યો છે. યુવતીએ કહ્યું છે કે તેને ચાઈલ્ડ વેરફેર હોમ મોકલવામાં આવી હતી અને પરિવારને મળવા દેવામાં નથી આવતું. 

સુપ્રીમ કોર્ટમાં અન્ય એક અરજી કરવામાં આવી રહી છે જેમાં લખવામાં આવ્યું છે કે પોલીસ દ્વારા આરોપીઓનો બચાવ કરવામાં આવી રહ્યો છે. અરજીમાં માંગ કરવામાં આવી છે કે દરેક મામલો એસઆઈટીને સોંપવામાં આવે અને મામલાની સંપૂર્ણ સુનાવણી રાજ્યની બહાર કરવામાં આવે.