દુર્ઘટના / પશ્ચિમ બંગાળમાં ભીષણ માર્ગ અકસ્માત, કારે ત્રણ રિક્ષાઓને ટક્કર મારતા એક બાળક સહિત 7 લોકોના મોત

West Bengal Accident : પશ્ચિમ બંગાળથી એક દર્દનાક અકસ્માતના સમાચાર સામે આવ્યા છે. વાસ્તવમાં પશ્ચિમ બંગાળના નાદિયા જિલ્લામાં શુક્રવારે એક દુ:ખદ અકસ્માત થયો હતો. આ દરમિયાન ત્રણ મહિલાઓ અને એક બાળક સહિત લગભગ 7 લોકોના મોત થયા અને આઠ લોકો ઘાયલ થયા હતા. આ અકસ્માતમાં એક ઝડપથી આવતી કારે એક પછી એક ત્રણ ઈ-રિક્ષાઓને ટક્કર મારી હતી.

આ અકસ્માત વિસ્તારના લક્ષ્મીગચ્છમાં થયો હતો જ્યારે ઇ-રિક્ષા સવારો ઘરે પરત ફરી રહ્યા હતા. વિરુદ્ધ દિશામાંથી આવતી એક ઝડપી SUV એ એક પછી એક ત્રણ ઈ-રિક્ષાઓને ટક્કર મારી જેમાં ઈલેક્ટ્રિક વાહનોમાં મુસાફરી કરી રહેલા સાત લોકોના ઘટનાસ્થળે જ મોત થયા અને આઠ અન્ય ઘાયલ થયા જેમાંથી બે ગંભીર રીતે ઘાયલ થયા.

વધુ વાંચો : આજે દિલ્હી-યુપીમાં વાદળ વરસશે, પહાડી વિસ્તારોમાં હિમવર્ષા તો આ રાજ્યોમાં તપાવશે લૂ!

અધિકારીઓએ જણાવ્યું કે, ઘાયલોને નજીકની હોસ્પિટલમાં લઈ જવામાં આવ્યા છે, જ્યાં તેમની સારવાર ચાલી રહી છે. પોલીસે ઘટનાની તપાસ શરૂ કરી દીધી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ