પશ્ચિમ બંગાળની મુખ્યમંત્રી મમતા બેનર્જીએ કહ્યું કે દિલ્હી પ્રવાસપર પ્રધાનમંત્રી મોદીની સાથે વન-ટૂ-વન મીટિંગ નહીં થઇ શકે.
મમતા બેનર્જીએ પીએમ પર સાધ્યું નિશાન
ગુજરાત ઇલેક્શનને લઇને પીએમ પર કરી ટિપ્પણી
મતદાનનાં દિવસે રોડ શૉની અનુમતિ નથી- મમતાજી
પશ્ચિમ બંગાળની મુખ્યમંત્રી મમતા બેનર્જી આજે જી20ની બેઠકમાં જોડાવા માટે દિલ્હી જવા રવાના થઇ છે. મુખ્યમંત્રી મમતાજીએ કહ્યું કે હું જી20માં જોડાવા જઇ રહી છું. ત્યારબાદ અજમેર શરીફ અને પુષ્કર પણ જઇશ. ત્યારબાદ સાંસદ સભ્યોની સાથે બેઠક કરીને કોલકત્તા પાછી ફરીશ. દિલ્હીમાં પીએમની સાથે કોઇ વન-ટૂ-વન બેઠક નથી થવાની, આ એક G20ની મીટ છે.
ગુજરાત ઇલેક્શન મુદે પીએમ પર નિશાન
મમતાજીએ ગુજરાતમાં થયેલ વોટિંગને લઇને પીએમ મોદી પર નિશાન સાધતાં કહ્યું કે મતદાનનાં દિવસે રોડ શૉની અનુમતિ નથી, પરંતુ પ્રધાનમંત્રી અને તેમની પાર્ટી વીવીઆઇપી છે, તે કંઇક પણ કરી શકે છે અને તેમને કોઇ કંઇ નહીં કરી શકે. પીએમ મોદીએ સોમવારે અમદાવાદ શહેરનાં એક મતદાન કેન્દ્ર પર પોતાનો વોટ મૂક્યો. પીએમ મોદી ત્યાં હાજર રહેલ લોકોનું અભિવાદન કરતાં મતદાન કરવા કેન્દ્ર સુધી પગપાળાં ગયાં.
There won’t be any one-on-one meeting with PM in Delhi, this is a G20 meet. Even though lotus is our national flower but it is also the logo of a political party, so it shouldn’t be used as G20 logo, they had various other options: WB CM Mamata Banerjee on G20 logo controversy pic.twitter.com/lWP12dtS0J
જી20 લોગો પર બોલી મમતા બેનર્જી
મમતા બેનર્જી દિલ્હીનાં ચાર દિવસનાં પ્રવાસે પહોંચી છે. દિલ્હીમાં ઊતર્યાં બાદ તે તરત જ રાષ્ટ્રપતિ ભવન પહોંચશે. જી20નાં લોગોને લઇને થઇ રહેલા વિવાદ પર તેમણે કહ્યું કે ભલે કમળ આપણું રાષ્ટ્રીય ફુલ છે પરંતુ આ એક રાજનૈતિક પાર્ટીનો લોગો પણ છે તેથી G20નાં લોગોનાં રૂપમાં તેનો ઉપયોગ ન કરી શકાય, તેમની પાસે અન્ય કેટલાક વિકલ્પ પણ હતાં. કેન્દ્ર જી20 લોગો માટે કમળ અથવા તો કોઇ પણ રાષ્ટ્રીય પ્રતીકનો ઉપયોગ થઇ શકતો હતો.
દિલ્હીમાં ઑલ પાર્ટી મીટિંગ
પીએમ મોદીએ 8 નવેમ્બરનાં રોજ જી20નાં લોગો, થીમ અને વેબસાઇટનું ઉદ્ગાટન કર્યું હતું. લોગોમાં કમળનું ફુલ છે. ભારત જી20ની અધ્યક્ષતા કરી રહ્યું છે. જી20 શિખર સમ્મેલન માટેની તૈયારી અને રણનીતિઓ પર ચર્ચા કરવા માટે કેન્દ્રએ સોમવારે ઓલ-પાર્ટી બેઠક બોલાવી હતી. 2023નાં સપ્ટેમ્બરમાં જી20 સમીટ યોજાશે.