એક તસ્વીર હાલ બંગાળમાંથી આવી છે. ટ્રેનમાં ઘોડાએ મુસાફરી કરી હોવાની આ તસ્વીરો સોશિયલ મીડિયા પર વાયરલ થઈ રહી છે.
ટ્રેનમાં મુસાફરી કરતા ઘોડાની તસ્વીર વાયરલ
ખીચોખીચ ભીડ વચ્ચે ઘોડાએ મુસાફરી કરી
રેલ્વે વિભાગે આપ્યા તપાસના આદેશ
સામાન્ય રીતે આપણે ત્યાં સાર્વજનિક વાહનોમાં પેસેન્જરની સાથે પાલતૂ જાનવરોને સાથે લઈને જવાની પરવાનગી નથી. ફઅલાઈટમાં પણ જો આપ પોતાના કોઈ પેટ્સને લઈને મુસાફરી કરવા માગો છો તો તેના માટે સ્પેશિયલ પરમિશન લેવી પડે છે. પણ તેમાં પણ ફક્ત નાના પાલતૂ જાનવરોને પણ મંજૂરી આપવામાં આવે છે. પણ જો આપને એવું કહેવામાં આવે કે, કોઈ શખ્સે પોતાના ઘોડા સાથે ટ્રેનમાં મુસાફરી કરી, તો શું આપને વિશ્વાસ આવશે. કદાચ નહીં. પણ આ સત્ય છે. આવી જ એક તસ્વીર હાલ બંગાળમાંથી આવી છે. ટ્રેનમાં ઘોડાએ મુસાફરી કરી હોવાની આ તસ્વીરો સોશિયલ મીડિયા પર વાયરલ થઈ રહી છે.
Horse Inside Local Train 😃
This is a new one .. I have seen Cows & Goats before. #Kolkata
34848 Down SDAH - DH Local
Via FB pic.twitter.com/UTS2lRtJWS
સૌથી પહેલા આ તસ્વીરને આપ ધ્યાનથી જોશો. ટ્રેનમાં ખચાખચ ભીડ છે. ભારે મહેનતથી લોકો માંડ માંડ ઉભા રહી શકે, આવી ભીડમાં એક ઘોડો પણ ઉભો છે. ઘોડાનો માલિક રસ્સી સાથે પોતાના ઘોડાને પકડી રાખ્યો છે. ઘોડાના નજીક ઉભેલા લોકોએ ઘોડા પર પોતાનો હાથ રાખેલો છે. ભીડમાં કેટલાય લોકો આ ઘોડાને જોઈને હેરાન રહી ગયા હતા.
ક્યાંથી આવ્યો આ ઘોડો
રિપોર્ટ્સમાં જણાવ્યા અનુસાર આ તસ્વીર સિયાલદળ-ડાયમંડ હાર્બર ડાઉન લોકલ ટ્રેનની છે. કહેવાય છએ કે, આ ઘોડો બંગાળના બરુઈપુરમાં એક દોડમાં ભાગ લઈને પાછો આવી રહ્યો હતો. જો કે, મુસાફરોએ લાંબા કદકાઠીવાળા ઘોડા સાથે ટ્રેનમાં ચડવા બદલ આ શખ્સ સામે વાંધો ઉઠાવ્યો હતો, પણ તેણે કોઈની વાત માની નહીં. પ્રત્યક્ષદર્શીઓના જણાવ્યા અનુસાર બુધવારે દક્ષિણ 24 પરગણા બરુઈપુર વિસ્તારમાં ધોડાદોડ થઈ હતી. આ ઘોડાના માલિક તેને હરિફાઈમાં ભાગ લેવા માટે લઈ ગયો હતો. ત્યાર બાદ તે પોતાના ઘોડાને લઈને દક્ષિણ દુર્ગાપુર સ્ટેશન પર આવ્યો હતો.
તપાસના આદેશ
પૂર્વી રેલ્વેના પ્રવક્તાએ માન્યું છે કે, તેમને પણ આ પ્રકારની તસ્વીર મળી છે. પણ તેમને આ પ્રકારની જાણકારી નથી કે, હકીકતમાં આવું કંઈ બન્યું છે કે નહીં. જો કે, હાલમાં તપાસના આદેશ આપવામાં આવ્યા છે.