પશ્ચિમ બંગાળના નાદિયા જિલ્લામાં એક સગીરના મોતથી હોબાળો મચી ગયો છે. છોકરીના પરિજનોએ આરોપ લગાવ્યો છે કે, તેમની દિકરી એક બર્થ ડે પાર્ટીમાં ગઈ હતી, જ્યાં તેની સાથે ગેંગરેપ કરવામાં આવ્યો છે.
પશ્ચિમ બંગાળમાં સગીરવયની બાળકી સાથે ગેંગરેપ
પાર્ટીમાંથી ઘરે આવ્યા બાદ લોહીલુહાણ થઈ હતી દિકરી
ઘરે આવ્યા બાદ થોડીવારમાં થઈ ગયું મોત
પશ્ચિમ બંગાળના નાદિયા જિલ્લામાં એક સગીરના મોતથી હોબાળો મચી ગયો છે. છોકરીના પરિજનોએ આરોપ લગાવ્યો છે કે, તેમની દિકરી એક બર્થ ડે પાર્ટીમાં ગઈ હતી, જ્યાં તેની સાથે ગેંગરેપ કરવામાં આવ્યો છે. ઘરે પાછા આવ્યા બાદ છોકરીનું મોત થઈ ગયું હતું. છોકરીના પરિવારના લોકોએ દાવો કર્યો છે કે, મુખ્ય આરોપી ટીએમસીનો છે અને તે એક પંચાયતના સભ્યનો દિકરો છે. આરોપીની ધરપકડ કરીને તેની તપાસ થઈ રહી છે.
છોકરીના માતા-પિતાએ ફરિયાદ નોંધાવી
નવમાં ધોરણની વિદ્યાર્થિનીની માતા-પિતાએ ઘટનાના ચાર દિવસ બાદ શનિવારે હંસખલી પોલીસ સ્ટેશનમાં આરોપી વિરુદ્ધ ફરિયાદ નોંધાવી હતી. ફરિયાદમાં જણાવ્યા અનુસાર છોકરી સોમવારે બપોરે આરોપીના જન્મદિવસની પાર્ટીમાં ગઈ હતી. પણ ત્યાર બાદ તે ઘરે પાછી બિમાર હાલતમાં આવી હતી અને થોડી મિનિટો બાદ તેનું મોત થઈ ગયું હતું.મ
આરોપીની કરી ધરપકડ
આ મામલામાં મુખ્ય આરોપી બ્રજગોપાલ ઉર્ફ સોહેલ ગયાલીને પહેલા જ ધરપકડ કરી લેવામાં આવ્યો છે. અધિકારીઓએ કહ્યું કે, તેના પર બળાત્કાર, હત્યા અને પુરાવાને છુપાવાના ઉપરાંત પોક્સોના આરોપ પણ લગાવામાં આવ્યા છે. આ તમામની વ્ચચે મામલામાં કાયદાકીય હસ્તક્ષેપની માગ માટે કલકત્તા હાઈકોર્ટમાં બે જાહેરહિતની અરજી પણ દાખલ કરવામાં આવી છે. સૂત્રોના જણાવ્યા અનુસાર મંગળવારે હાઈકોર્ટની બેંચ આ મામલે સુનાવણી કરી શકે છે.
લોહીથી લથબથ હતી
છોકરીની માતાએ કહ્યું કે, સ્થાનિક ટીએમસી નેતાના દિકરાના ઘરે પાર્ટીમાંથી પાછી આવ્યા બાદ અમારી દિકરીને અત્યંત લોહી વહી રહ્યું હતું અને પેટમાં ભારે દુખાવો પણ થતો હતો, તેથી અમે સૌથી પહેલા તેને હોસ્પિટલમાં લઈ ગયા, જ્યાં રસ્તામાં જ તેનું મોત થઈ ગયું હતું. પાર્ટીમાં હાજર લોકો સાથએ વાત કર્યા બાદ અમને વિશ્વાસ છે કે, આરોપી અને તેના દોસ્તોએ સાથે મળીને તેની સાથે ગેંગરેપ કર્યો છે.
બળજબરીપૂર્વક કરાવ્યા અંતિમ સંસ્કાર
પરિવારના લોકોએ આરોપ લગાવ્યો છે કે, સગીરનું ડેથસર્ટિફિકેટ જાહેર થતા પહેલા જ તેના મૃતદેહના બળજબરીપૂર્વક અંતિમ સંસ્કાર કરી દેવામાં આવ્યા હતા. પરિવારે એવો પણ આરોપ લગાવ્યો છે કે, અમુક લોકોએ શરૂઆતમાં લોકોએ દિકરીને કોઈ સરકારી હોસ્પિટલ અથવા ખાનગી સ્વાસ્થ્ય કેન્દ્રમાં નહીં લઈ જવાની સલાહ આપી હતી અને કહ્યું હતું કે, તે કોઈ નકલી ડોક્ટર પાસે લઈ જઈને બતાવે.