લોકસભા ચૂંટણી 2019માં જો કોઈ રાજ્યને સૌથી વધુ મહત્વ મળ્યું હોય તો તે હતું પશ્ચિમ બંગાળ. પીએમ નરેન્દ્ર મોદી અને મમતા બેનર્જીની વચ્ચે જે રીતે રાજકીય નિવેદનબાજી અને ઘમાસાણ થયું તે ભાગ્યે જ કોઈની સાથે થયું હશે. 2019 લોકસભા ચૂંટણીમાં પણ 7 તબક્કાનું મતદાન 19 મેના રોજ પૂરું થયું અને એક્ઝિટ પોલના પરિણામો જાહેર કરાયા હતાં. ચેનલ આજતક દ્વારા Axis My India સાથે મળીને દેશની 543 બેઠકો પર સર્વે કર્યો હતો જેમાં 8 લાખથી વધુ લોકોનો મત લેવાયો હતો.
એક્ઝિટ પોલમાં પશ્ચિમ બંગાળમાં ભાજપ માટે સારા સમાચાર આવી રહ્યાં છે જ્યારે મમતા બેનર્જીને ઝટકો લાગી શકે છે. ભાજપ પશ્ચિમ બંગાળમાં 42 લોકસભા સીટોમાંથી 19-23 સીટો જીતી શકે છે. જ્યારે તૃણમુલ કોંગ્રેસ (TMC)ને 19-22 સીટો એક્ઝિટ પોલમાં મળતી દેખાઈ રહી છે. જ્યારે કોંગ્રેસના ખાતાામં 0-1 જઈ રહી છે અને ડાબેરીઓ જેવા CPM અને CPIનું અહીં ખાતું પણ નથી ખૂલી રહ્યું. સર્વે અનુસાર મમતા બેનર્જીની તૃણમુલ કોંગ્રેસ અને ભાજપના વોટ શેર 41-41 ટકા રહી શકે છે. યુપીએનો વોટ શેર 7 ટકા રહેવાનું અનુમાન છે. CPM/CPI અને અન્યનો વોટ શેર ક્રમશઃ 5 અને 6 ટકા રહી શકે છે.
2014ની લોકસભા ચૂંટણીમાં TMCને 34 સીટ, ભાજપને 2 સીટ, કોંગ્રેસને 4 સીટ અને CPM/CPIને 2 સીટો મળી હતી. જો 2016ના વિધાનસભા પરિણામોને લોકસભા સીટોમાં કન્વર્ટ કરવામાં આવે તો TMCને 38, ભાજપને 0, કોંગ્રેસને 4 અને CPI/CPMને 0 સીટો મળશે. પશ્ચિમ બંગાળમાં તમામ 7 તબક્કાઓમાં મતદાન થયું હતું.
પશ્ચિમ બંગાળઃ
Republic TV - C Voter અનુસાર પશ્ચિમ બંગાળમાં એનડીએને 18થી26 સીટો, ટીએમસીને 13થી 21 સીટો, યૂપીએને 3 સીટો મળે તેવી સંભાવના. Times Now-VMRનાં સર્વે અનુસાર ભાજપને 11, કોંગ્રેસને 2 અને ટીએમસીને 28 સીટો મળે તેમ છે. ABP-AC Nielsen અનુસાર ભાજપને 16 અને કોંગ્રેસને 2 સીટો મળવાની શક્યતા. AajTak- Axis My India અનુસાર ભાજપને 19-23 સીટો, જ્યારે TMCને 19-22 અને કોંગ્રેસને 0-1 સીટો મળી શકે છે.
જો કે પશ્ચિમ બંગાળનાં મુખ્યમંત્રી મમતા બેનર્જીએ એગ્ઝિટ પોલનાં આંકડાઓને ધ્યાને રાખીને કહ્યું કે, 'મને એગ્ઝિટ પોલ પર ભરોસો નથી.'
I don’t trust Exit Poll gossip. The game plan is to manipulate or replace thousands of EVMs through this gossip. I appeal to all Opposition parties to be united, strong and bold. We will fight this battle together