ઇલેક્શન / બંગાળમાં ભાજપે એક એવા મહિલાને ટિકિટ આપી કે, જો જીત્યા તો નહીં કરે આ કામ

• બંગાળની ચૂંટણીમાં ભાજપે બનાવ્યા ઉમેદવાર 
• ચૂંટણીમાં એક ગરીબ મહિલાને ભાજપે બનાવી વિધાનસભાની ઉમેદવાર 
• કલિતા માઝીની ઉમેદવારીથી ભાજપના કાર્યકરો પણ ખુશ છે

કલિતાને પાર્થ નામનો એક પુત્ર છે અને તે આઠમા ધોરણમાં ભણે છે. તેના માતાપિતાનું ઘર કશમનગર, માંગકોટમાં છે. તે પરિવારમાં 7 બહેનો અને 1 ભાઇમાં એક છે.

એક સમયે અન્યના ઘરોમાં કામ કરનારી કલિતા માઝીને પશ્ચિમ બંગાળની ચૂંટણીમાં ભાજપ તરફથી ઉમેદવાર બનાવવામાં આવી છે. પૂર્વ બુરવાનની આશાગ્રામ (અનામત બેઠક) પરથી ભાજપે કલિતા માઝીને ટિકિટ આપી છે. કલિતાનો પતિ પ્લમ્બરનું કામ કરે છે. નાણાકીય તંગીના કારણે કલિતા વધારે અભ્યાસ કરી શકી નથી.

ભાજપના મહામંત્રીએ આપ્યા અભિનંદન

કલિતા માઝીની ઉમેદવારીથી ભાજપના કાર્યકરો પણ ખૂબ ખુશ છે. રાષ્ટ્રીય ભાજપ મહામંત્રી (સંગઠન) બી.એલ. સંતોષે ટ્વીટ કરીને કલિતાને અભિનંદન આપ્યા હતા. તેમણે લખ્યું, "આ શ્રીમતી કલિતા માઝી છે. આશાગ્રામમાંથી ભાજપના ઉમેદવાર. તે ઘરેલુ સહાયિકા તરીકે કામ કરે છે અને તેનો પતિ પ્લમ્બરનું કામ કરે છે. તે એક સક્રિય કાર્યકર છે અને પંચાયતની ચૂંટણી લડી છે. ભાજપ હંમેશાં પ્રતિભા અને મહેનતને સન્માન આપે છે. "તેમને શુભેચ્છાઓ."

કલિતા માઝી સિવાય બંગાળની ચૂંટણીમાં ભાજપે બીજી મહિલાને મેદાનમાં ઉતારી છે જે એક રોજનું રોજ કમાણી કરનારા વ્યક્તિની પત્ની છે. ચૂંટણીમાં ગરીબ ઉમેદવારોમાં સલટોરા વિધાનસભાના ભાજપના ઉમેદવાર ચાંદના બૌરીનો સમાવેશ થાય છે. તેમના પતિ સરબન એક ચણતરનું કામ કરનારા છે જે દરરોજ આશરે 400 રૂપિયા દૈનિક વેતનનું કામ કરે છે. કેટલીકવાર ચાંદની તેના પતિ સાથે સહાયક તરીકે પણ કામ કરે છે. તે એક સક્રિય પાર્ટી કાર્યકર અને જિલ્લા એકમની વરિષ્ઠ સભ્ય છે.