મિથુન ચક્રવર્તીના ભાજપમાં સામેલ થવાની અટકળોને લઈને માહિતી મળી છે કે તેઓ આવતીકાલે ભાજપમાં સામેલ થવા કોલકત્તા પહોંચ્યા છે.
પીએમ મોદી પણ આવતીકાલે કરશે રેલી
આવતીકાલે ભાજપમાં સામેલ થઈ શકે છે મિથુન ચક્રવર્તી
કોલકત્તા પહોંચવાની તૈયારીઓ થઈ શરૂઃ સૂત્રો
પશ્ચિમ બંગાળમાં વિધાનસભાની ચૂંટણીની તારીખ નજીક આવી રહી છે. આ સમયે કહેવાઈ રહ્યું છે કે ફિલ્મ અભિનેતા અને ટીએમસીના રાજ્યસભાના સાંસદ મિથુન ચક્રવર્તી પણ ભાજપમાં સામેલ થઈ શકે છે. સૂત્રોના અનુસાર મિથુન ચક્રવર્તી સાત માર્ચ એટલે કે આવતીકાલે કોલકત્તાના બ્રિગેડ મેદાનમાં થનારી પીએમ મોદીની રેલીમાં પણ હાજર રહેશે.
If Mithun Chakraborty comes it'll be good, both for Bengal as well as our party. If he comes on a stage where there is PM, the people of Bengal will be happier: Arjun Singh, West Bengal BJP Vice President when asked if Chakraborty will join BJP on 7th March at a rally of PM Modi pic.twitter.com/4ch4BUHDdu
ઉલ્લેખનીય છે કે ભાજપમાં આવવાની અટકળોને આજે વિરામ મળ્યો છે. જ્યારે મિથુન ચક્રવર્તીના નજીકના સૂત્રોએ કહ્યું કે તેઓ સાત માર્ચે ભાજપમાં સામેલ થવા કોલકત્તા પહોંચી રહ્યા છે. 80ના દાયકાના ડિસ્કો ડાન્સર બોય નામથી જાણીતા મિથુન દા હાલમાં ત્યારે ચર્ચામાં આવ્યા હતા જ્યારે તેઓએ 16 ફેબ્રુઆરીએ મોહન ભાગવતના નિવાસ સ્થાને તેમની મુલાકાત કરી હતી. ત્યારે અટકળોનું બજાર ગરમ રહ્યું છે.
શારદા ચિટફંડ ઘોટાળામાં આવ્યું હતું નામ
આ પહેલા પણ મિથુન ચક્રવર્તીએ વર્ષ 2019માં નાગપુરના સંઘ મુખ્યાલયની મુલાકાત લીધી. ત્યારે તેઓએ 3 કલાક સુધી મુખ્યાલયમાં સંઘ પ્રમુખ મોહન ભાગવતની મુલાકાત કરી હતી.મિથુન ચક્રવર્તીએ 2016માં રાજ્યસભાથી ખરાબ તબિયતના કારણે રાજીનામું આપ્યું હતું. પહેલા તેમનું નામ શારદા ચિટફંડ કંપનીના ઘોટાળામાં આવ્યં. મિથુન ચક્રવર્તી શારદા ચિટફંડના બ્રાન્ડ એમ્બેસડર હતા અને ત્યારે પ્રર્વતમાન નિર્દેશાલયની તરફથી તેમને નોટિસ પણ મળી હતી.
હવે ફરી એક વાર મિથુન ચક્રવર્તી રાજનીતિમાં એન્ટ્રી લઈ રહ્યા છે. સાત માર્ચે તેઓ કોલકત્તામાં બ્રિગેડ મેદાનમાં થનારી પીએમ મોદીની રેલીમાં હાજર રહેશે. તેમનું સ્વાસ્થ્ય સારું રહેતું નથી માટે તેઓ રાજનીતિમાં સંપૂર્ણ રીતે સક્રિય રહેશે કે નહીં તેને લઈને શંકા છે.