બંગાળમાં વિધાનસભા ચૂંટણી સમગ્ર દેશમાં ચર્ચાનો વિષય બનેલી છે. ચૂંટણીને લઇને ગુજરાતના સટ્ટાબજારમાં હલચલ વધી ગઇ છે.
બંગાળ ચૂંટણી પર ગુજરાતમાં કરોડો રૂપિયાનો સટ્ટો
ગુજરાત-સૌરાષ્ટ્રના સટ્ટા બજારમાં ભાજપ હોટ ફેવરિટ
ભાજપને ફાળે 153-155 બેઠક, TMCને 114-116 બેઠક
બંગાળ ચૂંટણીને લઈને સૌથી મોટા સમાચાર મળી રહ્યા છે. બંગાળ ચૂંટણીનું સૌથી મોટું ગુજરાત કનેક્શન ગણાઇ રહ્યું છે. બંગાળ ચૂંટણી પર ગુજરાતમાં કરોડો રૂપિયાનો સટ્ટો રમાઇ રહ્યો છે. ગુજરાત અને સૌરાષ્ટ્રના સટ્ટા બજારમાં ભાજપ હોટ ફેવરિટ છે. તો સટ્ટા બજારમાં ભાજપને 153-155 સીટ મળી રહી છે. TMCને સટ્ટા બજાર 114-116 બેઠક આપી રહ્યું છે. તેવા સટ્ટા બજારના સ્પષ્ટ સંકેત છે.
મહત્વનું છે કે ચૂંટણીઓમાં કરોડો રૂપિયા લગાવવામાં આવે છે. માત્ર બોલ પર કરોડો રૂપિયાના ભાવ અહીં લેવામાં આવે છે. ક્રિકેટ હોય કે પછી ચૂંટણી, સટોડિયાને બજારની નસ સચોટ રીતે પારખનારા ગણાવવામાં આવે છે. પશ્ચિમ બંગાળમાં ચૂંટણી જેમ ગરમી પકડી રહી છે તેની સાથે સટ્ટાબજારમાં પણ ગરમ થઇ ગયું છે.
અત્રે ઉલ્લેખનીય છે કે, સટ્ટો લગાવવો કે રમવો ભારતમાં ગુનો છે. વીટીવી ન્યૂઝ આવા કોઇ પણ જુગારનું સમર્થન નથી કરતું. સટ્ટો એક આદત સમાન હોય છે જે અંતમાં આર્થિક અને માનસિક નુકસાન પહોંચાડે છે. એવું પણ કહેવામાં આવે છે કે સટ્ટામાં જીત માત્ર સટોડિયાઓની જ હોય છે. હારનારા માત્ર પૈસા લગાવનારા જ હોય છે. જોકે, સટ્ટાની દુનિયામાં ચાલી રહેલી ગતિવિધિઓના સંબંધમાં તમને જાણ કરવા માટે જ આ તથ્ય તમારી સામે લાવ્યા છીએ.