રાજકીય સંગ્રામ / પક્ષોથી ઉપર હવે રાજ્યોની લડાઈ: જાણો શા માટે મમતા 'દીદી'એ એવું કહ્યું કે ગુજરાત ક્યારેય બંગાળ પર રાજ નહીં કરી શકે

• બંગાળમાં આ વર્ષે યોજવાની છે વિધાનસભાની ચૂંટણી 
• ભાજપ અને મમતા બેનરજીની પાર્ટી TMC છે આમને સામને 
• ભાજપ અને મમતા બેનરજીની સ્પર્ધા દિન પ્રતિદિન વધી રહી છે

પશ્ચિમ બંગાળ 2021માં વિધાનસભાની ચૂંટણી પહેલા રાજકીય લડાઇ તીવ્ર બની રહી છે. પશ્ચિમ બંગાળના મુખ્ય પ્રધાન અને તૃણમૂલ કોંગ્રેસના વડા મમતા બેનર્જીએ મંગળવારે ભાજપ પર આકરા પ્રહાર કર્યા છે. ભાજપને ગુજરાતનો પક્ષ ગણાવતાં મમતાએ કહ્યું કે આ પાર્ટી તોફાનોનું કારણ બને છે. ભાજપ એ બંગાળની પાર્ટી નથી.

ભાજપ ખેડૂતોની જમીનો પર કબજો કરી લેશે : સીએમ મમતા બેનરજી 

પશ્ચિમ બંગાળના મુખ્યમંત્રી મમતા બેનર્જીએ મંગળવારે બર્ધમાનમાં એક રેલીમાં કહ્યું હતું કે તેઓ ખેડૂતોને લૂંટી લેશે અને તેમની જમીન પણ કબજે કરી લેશે. ખેડૂતોની પાસે કશું જ નહીં. ખેડૂતો વાવણી કરશે અને તેમના પાક કાપશે અને તેમની પાસેથી બધું છીનવી લેશે.

ગુજરાત બંગાળ પર રાજ કરી શકશે નહીં

અગાઉ મમતા બેનર્જીએ દાવો કર્યો હતો કે ગુજરાત ક્યારેય બંગાળ પર રાજ કરી નહીં કરી શકે. મમતા બેનર્જીએ કહ્યું કે પશ્ચિમ બંગાળમાં હવે ચૂંટણીઓ નજીક છે, તેથી લાગી રહ્યું છે કે હવે ભાજપ માટે બંગાળ સિવાય કશું પણ નથી. આ ચૂંટણીમાં તેના તમામ નેતાઓ અને મંત્રીઓ રાજ્યમાં એવા સ્થળોનો પ્રવાસ કરી રહ્યા છે જેની વિશે તેઓ કશું પણ જાણતા જ નથી. 

ચક્રવાતના લીધે 2542 કરોડ રૂપિયા વધુ ખર્ચ થયા 

કેન્દ્રની ભાજપના નેતૃત્વ વાળી એનડીએ સરકારની ટીકા કરતા બંગાળના મુખ્ય પ્રધાને કહ્યું કે વડા પ્રધાને વિનાશક ચક્રવાત પછી પશ્ચિમ બંગાળની મુલાકાત દરમિયાન માત્ર 1000 કરોડની મદદની જાહેરાત કરી હતી. તેમણે કહ્યું, "તે રકમ પણ એડવાન્સ તરીકે આપવામાં આવી હતી. મેં આવી નિર્દય સરકાર ક્યારેય જોઈ નથી. ચક્રવાત અમ્ફાન અને કોવિડ -19 માં સર્જાયેલી પરિસ્થિતિનો સામનો કરવા માટે અગાઉના બજેટમાંથી અમારે 2542 કરોડ રૂપિયાથી પણ વધુનો ખર્ચ કરવો પડ્યો હતો.'