OMG / અજીબોગરીબ: બંગાળમાં યુવાનોને લાગી વિચિત્ર લત, નશો કરવા માટે કોંડમનો કરવા લાગ્યા ઉપયોગ

• પશ્ચિમ બંગાળમાં વિચિત્ર કિસ્સો સામે આવ્યો
• યુવાનોમાં લાગી અજીબ લત
• નશો કરવા માટે કંડોમનો ઉપયોગ કરવા લાગ્યા

પશ્ચિમ બંગાળના દુર્ગાપુર શહેરમાં નવયુવાનોને હાલના દિવસમાં અજીબોગરીબ લત લાગેલી છે. કંડોમનો નશો. આમ તો કંડોમ અસુરક્ષિત યૌન સંબંધોથી બચાવાનું કામ કરે છે. પણ અહીં યુવકો તેનો ઉપયોગ માદક પદાર્થ માફક કરી રહ્યા છે. છેલ્લા કેટલાક દિવસથી શહેરોમાં કંડોમના વેચાણમાં ભારે વધારો થયો છે. કેટલીય દુકાનો પર તો સ્ટોક આવ્યાને થોડા કલાકમાં ખતમ પણ થઈ જાય છે. નશા માટે કંડોમનો ઉપયોગ શહેરમાં સૌ કોઈ હેરાન થઈ ગયા છે. યુવાઓમાં આ નવી લતથી પ્રશાસનમાં પણ ચિંતા વધી ગઈ છે. 

કહેવાય છે કે, છેલ્લા કેટલાય દિવસમાં દુર્ગાપુરમાં અલગ અલગ વિસ્તાર જેમ કે દુર્ગાપુર સિટી સેન્ટર, બિધાનનગર, બેનાચિતી અને મુચિયારા, સી ઝોન, એ ઝોનમાં ફ્લેવર્ડ કંડોમના વેચાણમાં ભારે વધારો થયો છે. અચાનક આવેલા આ વધારાની સાથે સ્થાનિક દુકાનદારોએ વારંવાર કંડોમ લઈ જતા યુવકો પાસે તેનું કારણ જાણ્યું તો તેણે હેરાનકરનારો જવાબ આપ્યો. તેઓ નશા માટે તેને ખરીદે છે. દુર્ગાપુરની એક મેડિકલ સ્ટોરના સંચાલકે જણાવ્યું છે કે, પહેલા દરરોજના 3થી 4 પેકેટ કંડોમ વેચાતા હતા, પણ હવે તો આખેઆખુ પેકેટ વેચાઈ જાય છે.

આ યુવકો કંડોમનો નશા તરીકે કેવી રીતે ઉપયોગ કરે છે, તેની જાણકારી આપતા દુર્ગાપુરના મંડલ હોસ્પિટલમાં કામ કરતા ધીમાન મંડલે જણાવ્યું હતું કે, કંડોમમાં અમુક સુગંધિત યૌગિક હોય છે. આલ્કોહોલ બનાવતી વખતે તે તૂટી જાય છે. તે લત લગાવનારુ હોય છે. તેનાથી નશા જેવું અનુભવાય છે. તેમણે જણાવ્યું છે કે, આ સુગંધિત યૌગિક ડંડ્રાઈટ ગુંદરમાં પણ જોવા મળે છે. ઘણા બધા લોકો ડેંડ્રાઈટનો પણ નશા તરીકે ઉપયોગ કરે છે. 

દુર્ગાપુર આરઈ કોલેજ મોડલ સ્કૂલ કેમિસ્ટ્રીના ટીચર નૂરુલ હકે જણાવ્યું કે, કંડોમને ગરમ પાણીમાં લાંબા સમય સુધી પલાળીને રાખવાથી કાર્બનિક અણુ આલ્કોહોલ યૌગિકમાં તૂટી જાય છે. જેનાથી નશો થાય છે. નશા માેટ અજીબોગરીબ વસ્તુના ઉપયોગનો આ પ્રથમ કેસ નથી. 21મી સદીના મધ્યમાં નાઈઝીરિયામાં ટૂથપેસ્ટ અને જૂતાની શાહીના વેચાણમાં અચાનક 6 ગણણો વધારો થયો હતો, કહેવાય છે કે, લોકો તેનો ઉપયોગ નશા માટે કરતા હતા.