પશ્ચિમ બંગાળના CM મમતા બેનર્જીએ પીએમ મોદી પર આકરા પ્રહાર કર્યા હતા. મમતા બેનર્જીએ પીએમ મોદી પર કટાક્ષ કરતા કહ્યું હતું કે, પીએમ મોદીના હાથ લોહીથી રંગાયેલા છે. જો હું ટોલ કલેક્ટર છું તો તમે શું છો. માથાથી લઈને પગ સુધી તમે લોહીથી રંગાયેલા છો. જે પોતાની પત્નીને સંભાળી શકતા નથી તેઓ દેશને કેવી રીતે સંભાળશે.
આ પહેલા મમતા બેનર્જીએ કહ્યું હતું કે, હું તેમને દેશના પીએમ નથી માનતી. જેથી હું બેઠકમાં ના બેસી. હું તેમની સાથે એક મંચ પર દેખાવા માગતી નથી. હું આગામી પીએમ સાથે જ વાત કરીશ. અમે ચક્રવાત ફેણીથી થયેલા નુકસાનનું ધ્યાન રાખી શકીએ છીએ. અમને ચૂંટણી પહેલા કેન્દ્રની મદદની જરૂર નથી.
બેનર્જીએ ઝાડગ્રામના ગોપીવલ્લભપુર ઉપ મંડળમાં એક રેલીને સંબોધિત કરતા કહ્યું કે, હું વાવાઝોડાની સમિક્ષા કરવા માટે ખડગપુરમાં હતી પરંતુ પ્રધાનમંત્રી તરફથી ફોન મારા કાર્યાલય પર કરવામાં આવ્યો એટલે હું જવાબ ન આપી શકી.
ઉલ્લેખનીય છે કે, પીએમ મોદીએ શુક્રવારે પશ્ચિમ બંગાળની મુલાકાત દરમિયાન કહ્યું હતુ કે, પશ્ચિમ બંગાળની મુખ્યમંત્રી મમતા બેનર્જીએ કહ્યું છે કે, તેમની ઈચ્છા છે કે મોદીની 56 ઈંચની છાતી વધીને બે ગણી થઈને 112 ઈંચ થઈ જાય કારણ કે તેઓ ઈચ્છે છે કે તમામ લોકોનું સ્વાસ્થ્ય સારૂ રહે.