પશ્ચિમ બંગાળમાં રાજકીય હિંસા વધી રહી છે. રાજકીય પક્ષોના સહારે ગુંડારાજ બેફામ બન્યું છે. આ હિંસામાં BJPના કાર્યકરો ઉપર સૌથી વધુ હિંસા થઇ રહી છે.
રવિવારે 34 વર્ષના ભાજપના કાર્યકરની લાશ નડીયા જીલ્લાના એક ગામમાં ઝાડ ઉપર લટકતી હાલતમાં મળી આવતા હાહાકાર મચી ગયો હતો.
અહેવાલ પ્રમાણે મૃતકનું નામ વિજય શીલ જાણવા મળ્યું છે. ભાજપે આ મુદ્દે ટ્વીટ કરીને તેમના કાર્યકર્તાની હત્યાને વખોડી કાઢી હતી. તેમણે લખ્યું હતું કે બિજોય શીલ, ફક્ત 34 વર્ષના સક્રિય ભાજપના કાર્યકર્તાની હત્યા થયેલી અને લટકતી હાલતમાં મળેલી લાશ ગુંડારાજ દર્શાવે છે. ભાજપને કામ કરતું અટકાવવા માટે આતંકનો સહારો લેવામાં આવે છે. અમે ચુપ નહીં રહીએ અને તમામ હત્યા કરાયેલા કાર્યકર્તાઓને ન્યાય અપાવીશું. આ રાજકીય હત્યાઓનો અંત આણવો જરૂરી છે.
બિજોયની લાશ ભલે ઝાડ ઉપરથી મળી હોય પરંતુ તેની લાશની હાલત જોઈને એવો દાવો કરવામાં આવી રહ્યો છે કે તેનું ઝાડ ઉપર લટકાવ્યા પહેલા જ મર્ડર કરવામાં આવ્યું હતું. તેના પેન્ટ ઉપર કાદવના નિશાન છે પણ ઘટના સ્થળે ક્યાંય કાદવનું નામોનિશાન નથી.
આ ઉપરાંત તેના પગ જમીનથી અડેલા છે અને ઘૂંટણ વળેલા છે જે દર્શાવે છે કે તે ઝાડ ઉપર લટકીને મૃત્યુ પામ્યો હોય તેવી સ્થિતિ નથી.