પશ્ચિમ બંગાળમાં ચાલી રહેલા મતદાન વચ્ચે TMC નેતાના ઘરે EVM મશીન મળી આવતા હડકંપ મચ્યો છે. જોકે ચૂંટણી પંચે અધિકારી સસ્પેન્ડ કરીને આ અંગે સ્પષ્ટતા કરી છે.
પશ્ચિમ બંગાળમાં ત્રીજા તબક્કાનું મતદાન
TMC નેતાના ઘરે મળ્યા EVM
અધિકારી સસ્પેન્ડ, ચૂંટણી પંચે કરી સ્પષ્ટતા
પશ્ચિમ બંગાળમાં આજે એટલે મંગલવારે ત્રીજા તબક્કા માટે મતદાન થઇ રહ્યું છે. બંગાળમાં આજે કુલ 31 બેઠકો પર મતદાન થઇ રહ્યું છે. મતદાન શરૂ થતા જ ભાજપ અને તૃણમૂલ કોંગ્રેસના આરોપ-પ્રત્યારોપનો સિલસિલો પણ શરૂ થઇ ગયો છે. TMCએ પોલિંગ બૂથ પર મતદારોને હેરાન કરવાના આરોપ લગાવ્યા છે, તો ત્યાં ભાજપના નેતાઓના આરોપ છે કે એક ઈવીએમ ટીએમસી નેતાના ઘરની બહાર મળ્યા છે.
ટીએમસી નેતાના ઘરે ઈવીએમ મળતા હડંકપ
ઉલૂબેરિયા ઉત્તરથી ભાજપ ઉમેદવાર ચિરન બેરાએ આરોપ લગાવ્યો છે કે મતદાનની પહેલા રાત્રે ટીએમસી નેતા ગૌતમ ઘોષના ઘરેથી ઈવીએમ અને વીવીપેટના મશીન મળ્યા છે. ભાજપ નેતાએ ટીએમસી પર ચૂંટણીમાં ગડબડીના આરોપ લગાવ્યા છે. મોડી રાત્રે જ અહીં પર માહોલ બગાડ્યા બાદ સેનાએ લાઠી ચાર્જ કરવો પડ્યો.
Sector Officer has been suspended. It was a reserved EVM that has been removed from the election process. Severe action will be taken against all involved: Election Commission of India (ECI)
EVMs and VVPATs were found at the residence of a TMC leader in Uluberia, West Bengal pic.twitter.com/IBFwmDSXeY
ટીએમસી નેતાના ઘરની પાસે ઈવીએમ મળ્યા બાદ ચૂંટણી પંચે એક્શન લીધા છે. અહીં એક સેક્ટર ઑફિસરને સસ્પેન્ડ કરી દેવાયા છે. ચૂંટણી પંચનું કહેવું છે કે, આ રિઝર્વ ઈવીએમ હતું, જેનો મતદાન માટે ઉપયોગ નહોતો થઇ રહ્યો. ચૂંટણી પંચનું કહેવું છે કે સેક્ટર ઑફિસર તપન સરકાર ઈવીએમની સાથે પોતાના સંબંધીના ઘરે ઉંઘવા ગયા હતા, જે નિયમોનું ઉલ્લંઘન છે.