ચૂંટણી / બંગાળમાં BJP હારવું જોઈએ અને તો જ દેશને ભરોસાનો સંદેશ મળશે : ભાજપના પૂર્વ કેન્દ્રીય મંત્રી

• ભાજપના નેતા રહેલા યશવંત સિંહાએ ટીએમસી જોઇન કરી છે 
• હું મમતા બેનરજીના હાથ મજબૂત કરવા માટે તેમની સાથે જોડાયો છું: યશવંત સિંહા
• ભાજપને બંગાળની ચૂંટણીમાં હરાવવું ખૂબ જ જરૂરી છે: યશવંત સિંહા 

થોડા દિવસોમાં જ રાજ્યમાં વિધાનસભાની ચૂંટણી માટે મતદાન થવાનું છે ત્યારે એવા સમયે ભાજપના પૂર્વ નેતાએ તૃણમૂલ કોંગ્રેસ સાથે હાથ મિલાવી લીધા છે. આ પહેલા, ટીએમસીના કેટલાક ધારાસભ્યો અને ઘણા મોટા નેતાઓ છેલ્લા કેટલાય મહિનાઓથી ભાજપમાં જોડાઈ રહ્યા છે.

મમતાની આગેવાની વાળા પક્ષને મળશે સ્પષ્ટ બહુમતી : પૂર્વ ભાજપ નેતા 

પૂર્વ કેન્દ્રીય પ્રધાન યશવંત સિંહાએ તૃણમૂલ કોંગ્રેસમાં જોડાવાના એક દિવસ પછી કહ્યું હતું કે પશ્ચિમ બંગાળ વિધાનસભાની ચૂંટણીમાં ભાજપને હરાવવું જરૂરી છે, તો જ દેશવ્યાપી "ખાતરીનો સંદેશ" ફેલાશે. યશવંત સિંહાએ કહ્યું કે તેમણે કોઈ શરત વિના મમતા બેનર્જીને પોતાનો ટેકો આપ્યો છે. તેમણે કહ્યું કે સીએમ મમતા બેનર્જીની આગેવાનીવાળી તેમનો પક્ષ સ્પષ્ટ બહુમતી સાથે ફરીથી સત્તા પર પાછો ફરશે.

NDTV ને આપેલી એક ખાસ મુલાકાતમાં-83 વર્ષીય સિંહાએ કહ્યું હતું કે, "હું મમતા બેનરજીના હાથ મજબૂત કરવા માટે ટીએમસીમાં જોડાયો છું ... તેણી તેની લડત લડી રહી છે, તે બંગાળની લડાઈ લડી રહી છે. તે દેશ માટે પણ લડાઈ લડી રહી છે અને જે રીતે ભાજપે બંગાળની ચૂંટણીને જે હાથમાં લીધી છે તેના કારણે આ ચૂંટણી અચાનક જ રાષ્ટ્રીય મહત્વની ચૂંટણી બની ગઈ છે."

ટીએમસીના ઘણા ધારાસભ્યો અને નેતાઓ ભાજપમાં જોડાઈ રહ્યા છે

વર્ષ 2018 માં ભાજપ છોડી ગયેલા યશવંત સિંહાએ થોડા દિવસો પછી રાજ્યમાં વિધાનસભાની ચૂંટણી માટે મતદાન થવાનું છે ત્યારે એવા સમયે તૃણમૂલ કોંગ્રેસમાં જોડાયા છે. આ પહેલા, ટીએમસીના કેટલાય ધારાસભ્યો અને ઘણા મોટા નેતાઓ એક લાંબા સમયથી ભાજપમાં જોડાઈ રહ્યા છે.

નંદીગ્રામમાં મમતા બેનર્જીની ઈજા અંગે સિંહાએ કહ્યું કે આનાથી સમગ્ર રાજ્યમાં તેમની આતંકવાદીની છબી મજબૂત થઈ છે. સિંહાએ કહ્યું કે 1990 ના વર્ષથી તે એક મહાન રાજકીય યોદ્ધાની જેમ રહી છે.તેમણે કહ્યું, "ભાજપ અને તેના સાથી પક્ષો દ્વારા જૂઠ્ઠાણા ફેલાવવામાં આવ્યા હોવા છતાં, સત્ય એ છે કે તે નંદિગ્રામ અકસ્માતમાં ઘાયલ થઈ છે અને તેના પગ પર પ્લાસ્ટર હતું. તે હજી ચાલવામાં લાચાર છે. અન્ય ઘણી જગ્યાએ પણ તેને ઈજા પહોંચી છે. "આ હોવા છતાં, તે ચૂંટણી પ્રચાર કરી રહી છે."