રાજકારણ / આ કારણે ગુસ્સે ભરાયા દીદી, કહ્યું 'હું એક શબ્દ બોલીશ ને આખું બંગાળ તેમને સાફ કરી દેશે'

• ચૂંટણી પંચ ભાજપનું પ્રવક્તા બન્યું : મમતા 
• ભાજપે મારા પર હુમલા કર્યા : મમતા 
• હું એક શબ્દ બોલીશ અને બંગાળ તેમને સાફ કરી દેશે : મમતા 

પશ્ચિમ બંગાળમાં બીજા ચરણનું મતદાન ગુરુવારે થવા જઈ રહ્યું છે ત્યારે જેમ જેમ ચૂંટણીમાં ચરણ જઈ રહ્યા છે તેમ તેમ નેતાઓ વચ્ચે જુબાની જંગ પણ તેજ બની રહ્યું છે. બીજા ચરણમાં નંદીગ્રામમાં પણ મતદાન થવાનું છે ત્યારે મમતા બેનર્જીએ ભાજપની સાથે સાથે ચૂંટણી પંચ પર પણ સવાલો ઊભા કર્યા છે. 

એક શબ્દ બોલીશ અને તેમને સાફ કરી દેશે : મમતા 

મમતા બેનર્જીએ એક સભામાં કહ્યું કે હું ચૂંટણી પંચનો આદર કરું છું પણ એક અનુરોધ છે. તે માત્ર BJPનું સાંભળે છે. મારા પર ભાજપ સમર્થકોએ અને કાર્યકર્તાઓએ હુમલા કર્યા પણ તેમના વિરુદ્ધ કોઈ કાર્યવાહી ન થઈ. આ બંગાળ છે. હું એક શબ્દ બોલીશ તો આખું બંગાળ તેમનો સફાયો કરી દેશે. પણ હું મુક્ત અને નિષ્પક્ષ તથા શાંતિપૂર્ણ ચૂંટણી ઈચ્છું છું તેથી કઈં નથી કરતી. 

ચૂંટણી પંચ પર ગંભીર આરોપ 

મમતા બેનર્જીએ ચૂંટણી પંચ પર આરોપ લગાવ્યો કે ભાજપ ચૂંટણી પંચને આદેશ આપે છે અને તે એ રીતે જ કામ કરે છે. હવે ચૂંટણી પંચ તો ભાજપનું પ્રવક્તા બનીને રહી ગયું છે. ભાજપના ગુંડાઓને અનુમતિ આપવા માટે ચૂંટણી પંચ જ જવાબદાર છે. 

કેમ લખ્યો પત્ર? 

નોંધનીય છે કે આ પહેલા મમતા બેનર્જીએ આજે ગેરભાજપ નેતાઑને પત્ર લખ્યો હતો. લોકસભામાં NCT બિલ પાસ કરવામાં આવ્યો છે. આરોપ છે કે કેન્દ્રની સરકાર દ્વારા કેજરીવાલની સત્તામાં કાપ મૂકવા માટે આ કામ કરવામાં આવ્યું છે. હવેથી દિલ્હીમાં સરકારથી વધારે સત્તા ઉપરાજ્યપાલ પાસે રહેશે અને દિલ્હીની સરકારે કોઈ પણ નિર્ણય લેતા પહેલા ઉપરાજ્યપાલની સલાહ લેવાની રહેશે. 

કયા નેતાઑને લખ્યો પત્ર 

આ કાયદા સામે વિરોધ વ્યક્ત કરતાં મમતા બેનર્જીએ સોનિયા ગાંધી, શરદ પવાર, સ્ટાલિન, અખિલેશ યાદવ, તેજસ્વી યાદવ, ઉદ્ધવ ઠાકરે, હેમંત સોરેન, અરવિંદ કેજરીવાલ, જગન મોહન રેડ્ડી, નવીન પટનાયક, ફારૂક અબ્દુલ્લા અને મહબૂબા મુફ્તીને પત્ર લખ્યો છે. 

ભાજપ પર લગાવ્યો ગંભીર આરોપ 

મમતા બેનર્જીએ કહ્યું છે કે આ કાયદા સામે બધાએ અવાજ ઉઠાવવો જોઈએ. ભારતીય જનતા પાર્ટી બધા રાજ્યોની અવાજને દબાવી દેવા માંગે છે. તેમણે કહ્યું કે ગેરભાજપ દળો દ્વારા રાજ્યપાલનો ખોટો ઉપયોગ કરીને સરકાર સામે સમસ્યા ઊભી કરવામાં આવી રહી છે. મમતા બેનર્જીએ કહ્યું કે ઉપરાજ્યપાલને દિલ્હીના વાઈસરૉય બનાવી દેવામાં આવ્યા છે જે ગૃહમંત્રી અને પ્રધાનમંત્રીના પ્રૉક્સીના રૂપમાં કામ કરી રહ્યા છે.