પશ્ચિમ બંગાળ / નોર્થ 24 પરગાના વિસ્તારમાં ભાજપના કાર્યકરના ઘર પર બોમ્બ બ્લાસ્ટ, 6 ઇજાગ્રસ્ત

સૂત્રોને મળતી જાણકારી મુજબ ગઈ રાતે આ બ્લાસ્ટની ઘટના બની છે. ત્યારે બ્લાસ્ટની ઘટના બાદ સમગ્ર વિસ્તારમાં અફરા-તફરીનો માહોલ જોવા મળ્યો.  ભાજપે આ બ્લાસ્ટનો આરોપ TMC પર લગાવ્યો છે.

ઉલ્લેખનીય છે કે 2019ની લોકસભા ચૂંટણી શરૂ થઈ ત્યારથી પશ્ચિમ બંગાળમાં રાજકીય હિંસા વકરી છે જે હજુ પણ બંધ લેવાનું નામ લઈ રહી નથી. લોકસભાની ચૂંટણી બાદ અનેક વખત ભાજપ-ટીએમસીના કાર્યકરો વચ્ચે ઘર્ષણ થતું જોવા મળ્યું છે. થોડા દિવસ અગાઉ જ ભાજપ અને ટીએમસીના સમર્થકો સામ-સામે આવી જતાં ભાજપના બે સમર્થકોને ભારે ઇજા પહોંચી હતી. 

જ્યારે એક વખત ટીએમસીના સાંસદની જનસભામાં ભાજપના કાર્યકર્તાઓ દ્વારા જય શ્રીરામના નારા લગાવાતા ટીએમસી અને ભાજપના કાર્યકર્તાઓ વચ્ચે પરિસ્થિતિ વણસતાં પોલીસને ફાયરિંગ કરવાની જરૂરિયાત પડી હતી. પોલીસના ફાયરિંગમાં ત્રણ લોકોને ઇજા પહોંચી હતી.