બીજેપી અને તૃણમૂલ કોંગ્રેસનાં કાર્યકર્તાઓમાં ક્લેશ ત્યારે થયો જ્યારે ભાજપ નેતા શુભેન્દુ અધિકારી તે જિલ્લાનાં ડાયમંડ હાર્બરમાં રેલી કરી રહ્યાં હતાં. રિપોર્ટ અનુસાર તૃણમૂલનાં એક ઓફિસમાં તોડફોડ કરવામાં આવી છે અને ત્યાં પાર્ક કરેલ એક બાઇક બાળી નાખી છે.
પશ્ચિમ બંગાળમાં ફરી રાજનૈતિક હોબાળો
ભાજપ કાર્યકરોએ તૃણમૂલની ઓફિસમાં કરી તોડફોડ
ઘટનાસ્થળ પર પોલીસ દળની કડક ગોઠવણ
પશ્ચિમ બંગાળનાં દક્ષિણી 24 પરગાના જિલ્લાનાં હોટુગંજ વિસ્તારમાં આજે તૃણમૂલ કોંગ્રેસ અને બીજેપી કાર્યકર્તાઓ વચ્ચે બબાલ થઇ ગઇ હતી. આ ઝઘડો ત્યારે થયો જ્યારે ભાજપ નેતા શુભેન્દુ અધિકારી તે જિલ્લાનાં ડાયમંડ હાર્બરમાં રેલી કરી રહ્યાં હતાં.
પોલીસ ફોર્સ તૈનાત
માહિતી અનુસાર આ વિસ્તારમાં શાંતિ વ્યવસ્થા જાળવી રાખવા માટે મોટી સંખ્યામાં પોલીસ બળ અને રેપિડ એક્શન ફોર્સ એટલે કે RFFને તૈનાત કરવામાં આવ્યાં છે.
આજે પશ્ચિમ બંગાળનાં પુરબા મેદિનીપુર જિલ્લામાં તૃણમૂલ કોંગ્રેસનાં વરિષ્ઠ નેતા અભિષેક બેનર્જીનાં રેલી સ્થળની પાસે થયેલ વિસ્ફોટમાં ઓછાંમાં ઓછા 3 લોકોનું મૃત્યુ થયું છે અને અન્ય ઘાયલ થયાં છે. આ જાણકારી પોલીસે શનિવારે આપી હતી.
પોલીસ અધિકારીનું નિવેદન
એક પોલીસ અધિકારીએ કહ્યું કે આ ઘટનાં કોંટાઇ શહેરથી 1.5 કિલોમીટર દૂર ભૂપતિનગર વિસ્તારનાં અર્જુનનગરનાં બ્લોક 2 માં થઇ જ્યાં ટીએમસીનાં રાષ્ટ્રીય મહાસચિવ બેનર્જીનું જનસભા સ્થળ હતું.