પશ્ચિમ બંગાળના કોલકાતાથી એક કિસ્સો બહાર આવ્યો છે જે એકદમ ફિલ્મી છે પણ હકીકત છે. એક બિઝનેસમેનની પત્નીના 14 બોયફ્રેન્ડ હતા જેમને હવે કાનૂની નોટિસ મળી છે.
એક પરિણીત મહિલાના 14 બોયફ્રેન્ડ હતા
પતિએ પત્નીને બદલે પ્રેમીઓ પર કરી આ કાર્યવાહી
બે અઠવાડિયામાં 100 કરોડ રૂપિયાની માંગ કરી
કોલકાતાથી એક સનસનાટીભર્યો મામલો સામે આવ્યો છે. અહીં એક પરિણીત મહિલાના 14 બોયફ્રેન્ડ હતા અને તેના બિઝનેસમેન પતિને તેની જાણ થતાં જ તેને હકીકત શોધવા માટેનો એક અનોખો રસ્તો અપનાવ્યો હતો. પત્નીના અવૈધ સંબંધોને શોધવા માટે પતિએ જાસૂસીનો આશરો લીધો હતો અને તેની પુષ્ટિ થાય ત્યાં સુધી કોઈ પગલા ભર્યા ન હતા. આ જાસૂસી માટે પતિએ તેના ડ્રાઇવરનો આશરો લીધો.
આ રીતે કરાવી જાસૂસી
મીડિયા રિપોર્ટ્સ અનુસાર, પતિ અને ડ્રાઈવરે દરેક વ્યક્તિની જાસૂસી કરી અને જાસૂસીનું કામ ત્યાં સુધી ચાલુ રાખ્યું જ્યાં સુધી કે તેઓ મજબૂત પુરાવા એકઠા ન કરી લે. ત્યારબાદ ઉદ્યોગપતિએ તે તમામ 14 લોકોને કાયદેસરની નોટિસ મોકલી હતી જેમણે તેની પત્ની સાથે અવૈધ સંબંધ બાંધ્યા હતા. કાનૂની નોટિસમાં, ઉદ્યોગપતિએ દરેકને 100 કરોડની માનહાનિ નોટિસ મોકલી છે અને બે અઠવાડિયામાં 100 કરોડ રૂપિયાની માંગ કરી છે.
14ને મોકલી અલગ અલગ નોટિસ
બિઝનેસમેનનો આરોપ છે કે આ બધા 14 લોકોના કારણે તેની સામાજિક પ્રતિષ્ઠાને ભારે આંચકો લાગ્યો છે અને આ બધાને કારણે તેનું વૈવાહિક જીવન બરબાદ થઈ ગયું છે. ઉદ્યોગપતિએ તમામ 14 લોકોને અલગ અલગ નોટિસ મોકલી છે અને તે દરેકને કહ્યું છે કે જો તેને બે અઠવાડિયામાં વળતર આપવામાં નહીં આવે તો તે બધા વિરુદ્ધ કાયદેસરની કાર્યવાહી કરશે.
100 કરોડ રૂપિયા ચુકવવા 2 અઠવાડિયા માટેનો સમય
તેના નોટિસમાં પતિએ બાકી રકમ લખી છે, 'મને ખબર પડી ગઈ છે કે તમે લોકો મારી પત્ની સાથે શારીરિક સંબંધો બાંધો છો અને તમે ગુપ્ત રીતે મારી પત્નીને મળો છો. તમે બધા જાણે છે કે હું પરિણીત છું અને એક સ્ત્રીનો પતિ છું. તમારા કારણે માત્ર મારા લગ્ન જ ભાંગી પડ્યા નથી, પરંતુ મારી સામાજિક પ્રતિષ્ઠાને પણ હાનિ પહોંચી છે. માનહાનિ તરીકે, તમારે બે અઠવાડિયામાં 100 કરોડ ચૂકવવા પડશે, નહીં તો મને કાયદેસરની કાર્યવાહી કરવાની ફરજ પડશે.